Вы тут

У Шанхаі пройдзе міжнародны турыстычны кірмаш


Звыш 750 экспанентаў з 53 краін і рэгіёнаў свету пацвердзілі сваю гатоўнасць удзельнічаць у Шанхайскім міжнародным турыстычным кірмашы-2019, які пройдзе з 18 па 21 красавіка ў кітайскім мегаполісе, перадае «Жэньмінь жыбаа» анлайн».


Шанхайскае муніцыпальнае ўпраўленне па справах культуры і турызму адзначыла, што Марока, Мадагаскар, Папуа-Новая Гвінея, Габон і Туркменістан упершыню размесцяць свае стэнды на гэтым кірмашы. Італія, Расія, Шры-Ланка, Японія, Камбоджа, Перу і Куба — доўгатэрміновыя партнёры-ўдзельнікі кірмашу — прадставяць новыя прадукты і паслугі ў адпаведнасці з новымі напрамкамі на кітайскім турыстычным рынку, паведаміў арганізатар.

Штогадовае мерапрыемства ўяўляе сабой платформу, на якой дэманструюцца прыродныя пейзажы Кітая. У гэтай сувязі мясцовыя турыстычныя ведамствы спрабуюць паказаць наведвальнікам свае турыстычныя рэсурсы з дапамогай высокіх тэхналогій.

У кірмашы прымуць удзел прадстаўнікі турбюро, агенцтваў, анлайн-тураператараў, авіякампаній, тэматычных паркаў, гатэляў і страхавых кампаній. Чакаецца, што агульная колькасць прафесійных наведвальнікаў перавысіць 15 тысяч чалавек, а колькасць аматараў падарожжаў — 50 тыс.

Як вядома, у 2018 годзе кітайскія турысты здзейснілі 150 млн замежных тураў і 5,5 млрд унутраных тураў. Мацерыковую частку Кітая наведалі 48 млн замежных турыстаў.

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.