Асобным катэгорыям грамадзян на рынках Мінска з красавіка даюць прэферэнцыі для рэалізацыі плодаагародніннай прадукцыі, паведамілі БелТА ў галоўным упраўленні спажывецкага рынку.
Для пашырэння магчымасцяў рэалізацыі распрацавана электронная сістэма па браніраванні гандлёвых месцаў у гандлёвых радах і машына-месцаў на рынках. Усяго ў Мінску працуюць 22 рынкі, з якіх на 16 рэалізуецца вітамінная прадукцыя. Для гэтай мэты адведзена больш за 3 тысячы гандлёвых месцаў. У сезон масавых нарыхтовак фізічным асобам дадаткова выдзяляецца каля 1,5 тысячы месцаў. Прычым пенсіянерам і інвалідам пры рэалізацыі ўласнай прадукцыі даюцца льготы — з красавіка да снежня гэтая катэгорыя прадаўцоў можа не аплачваць выкарыстанне гандлёвых месцаў для рэалізацыі плодаагародніннай прадукцыі вагой да 20 кілаграмаў.
Партал «Мой горад» 115.бел дапамог вырашыць ужо больш за 200 тысяч праблемных пытанняў жыхароў сталіцы, паведамілі карэспандэнту агенцтва «Мінск-Навіны» ў Цэнтры інфармацыйных тэхналогій Мінгарвыканкама.
Любы карыстальнік можа адсачыць статус апублікаванага запыту і ацаніць вынікі работы, якую правялі камунальныя службы. Фотасправаздачы рэгулярна абнаўляюцца. Галоўная задача партала — спрасціць магчымасць узаемадзеяння службы ЖКГ з гараджанамі. І зрабіць дзейнасць кіраўнікоў кампаній празрыстай, адкрытай і даступнай. Як вядома, партал 115.бел запусцілі 1 лістапада 2015 года. За гэты час на інтэрнэт-рэсурсе зарэгістраваліся амаль 90 тысяч карыстальнікаў
Васілеўскія такія: на Зямлі і ў космасе ліхія!
Ідэнтычнасць праз спадчыну.
Беларусь — у тройцы лідараў па захваральнасці.
