Вы тут

У Мінску выйшла кніга «Чэслаў Немен»


Мінскае выдавецтва «Чатыры чвэрці» падаравала чытачу сапраўды ўнікальную кнігу.


Нагадаем: герой кнігі, ці, хутчэй, кнігі-фотаальбома альбо фотакнігі, — Чэслаў Немен, сапраўдныя імя і прозвішча якога Чэслаў Юліўш Выджыцкі. Вакаліст, кампазітар, мультыінструменталіст, аўтар тэкстаў. Уладальнік шасці залатых і аднаго плацінавага дыска. Нарадзіўся на Гародзеншчыне 16 лютага 1939 года. Пайшоў з жыцця 17 студзеня 2004 года. У яго амаль 65 гадоў умясцілася наўздзіў яркае, поўнае мастацкіх, музычных адкрыццяў жыццё. Словы самога музыканта: «Сваю песню Dzіwny jest ten swіat я напісаў супраць крывадушных адносін паміж людзьмі, супраць інтрыг і пачуцця зайздрасці. Я разумеў, што як толькі заспяваю такую песню, то нешта зменіцца вакол мяне. Што людзі будуць узрушаны, як і я быў узрушаны сваёй песняй...» Чэславу было 19 гадоў, калі ў яго роднай вёсцы закрылі касцёл і бацька прыняў няпростае рашэнне пераехаць у Польшчу...

У кнізе няшмат інфармацыі пра музычнае, мастацкае станаўленне Немена як таленавітага музыканта. Пра гэта ўжо напісалі і яшчэ, пэўна, напішуць дзясяткі, а хутчэй за ўсё — сотні кніг. Выдадуць манаграфіі, а мо — і персанальныя энцыклапедыі. Таму ж, зразумела, і цікавасць да гэтага выдання ў большай ступені выклікана прывязанасцю аповеду да родных мясцін музыканта. Старыя Васілішкі, касцёл, частыя прыезды музыканта і кампазітара — тэма тэксту і багатага ілюстрацыйнага матэрыялу. У 1970-я гады наш суродзіч часта гастраляваў у розных гарадах Савецкага Саюза. У 1976 годзе музыкант даў інтэрв'ю беларускай журналістцы Веры Савінай. Фотаздымак, на якім адлюстравана яе гутарка з Неменам, быў падараваны дому-музею музыканта ў Старых Васілішках. Вера Савіна ў суаўтарстве з Аляксандрам Нілавым зняла дакументальны фільм «Гэты дзіўны свет...» (2009 год). Вера Савіна пры падтрымцы захопленых творчасцю польскага музыканта і кампазітара беларускага паходжання Віталя Раковіча і Аляксандра Амшэя і зрабіла кнігу «Чэслаў Немен», выдадзеную ў выдавецтве «Чатыры чвэрці». Вера Савіна, якая з'яўляецца аўтарам тэксту, — сцэнарыст больш як трыццаці дакументальных фільмаў, журналіст. Віталь Раковіч — фатограф, дызайнер. Ён — аўтар канцэпцыі фотакнігі, яе дызайну. Аляксандр Амшэй — начальнік аддзела турыстычнай і інвестыцыйнай дзейнасці ўпраўлення эканомікі Шчучынскага райвыканкама. Ён з'яўляецца кансультантам, рэдактарам выдання.

Літаральна кожная старонка кнігі «Чэслаў Немен» — пранікненне ў свет музычнага мастацтва, адкрыццё крынічных вытокаў вялікага таленту.

Кастусь Ладуцька

Загаловак у газеце: Чэслаў Немен: жыццё як песня-лёс

Выбар рэдакцыі

Грамадства

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Аб гэтым заявіў старшыня Савета Рэспублікі Міхаіл Мясніковіч на сустрэчы са старшынёй Савета Федэрацыі Валянцінай Мацвіенка.

Грамадства

Як Брэст рыхтуецца да святкавання свайго 1000-годдзя

Як Брэст рыхтуецца да святкавання свайго 1000-годдзя

Афіцыйныя святкаванні і асноўныя мерапрыемствы гарадскога Міленіума пройдуць 6—8 верасня.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра ляльку з секс-шопа, галубоў на ігрушы і дзяўчынку, якая схавала пашпарты.