Каля 100 юных музыкаў прадэманструюць сваё майстэрства на рэгіянальным конкурсе баяністаў і акардэаністаў "Грай, мой баян" 19 красавіка, паведаміла БЕЛТА дырэктар дзіцячай школы мастацтваў Ельска Святлана Раманюк.
Удзельнікамі стануць навучэнцы дзіцячых школ мастацтваў з раёнаў Гомельскай вобласці. На сцэну ў Ельску паднімуцца сольныя выканаўцы і ансамблі - у трох узроставых катэгорыях. Салісты прадставяць па два рознахарактарныя творы на свой выбар, ансамблі - адну кампазіцыю. Праграма спаўняецца на памяць.
Заяўкі на ўдзел падалі больш за 10 калектываў. Гэта дуэты, трыо, септэты і г.д. Самы шматлікі ансамбль аб'яднаў 13 інструменталістаў.
Самаму юнаму сольнаму канкурсанту 8 гадоў. Гэта вучань першага класа дзіцячай школы мастацтваў Ельска Герман Тарасавец. Для пачаткоўца музыкі выступленне стане конкурсным стартам. Хлопчык пачаў займацца ў музычнай школе ў верасні мінулага года. Выкладчык адразу заўважыў у ім патэнцыял. Ужо пры падрыхтоўцы да творчага форуму, па словах педагогаў, відаць, што ён конкурсны музыкант.
Прафесійнае журы ацэніць узровень валодання выканальніцкімі навыкамі і тэхнічнымі прыёмамі ігры, вобразнасць і выразнасць выканання, артыстызм. Усе юныя музыканты атрымаюць граматы. Пераможцаў конкурсу па кожнай намінацыі і ўзроставай катэгорыі ўзнагародзяць дыпломамі I, II і III ступені, памятнымі сувенірамі.
Заснавальнік конкурсу - аддзел ідэалагічнай работы, культуры і па справах моладзі Ельскага райвыканкама.
Праводзіцца творчы форум раз у тры гады.
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.