18 красавіка ў рамках Дэкады студэнцкай навукі ў БДПУ адбудзецца навуковы StandUp для навучэнцаў профільных класаў педагагічнай накіраванасці. Старшакласнікі з усёй Беларусі прадставяць шаснаццаць даследчых распрацовак на тэму “Будучыя педагогі - аб сучасным дзіцяці” ў жанры навуковы StandUp. У фокусе ўвагі -- праблемы сучаснага дзіцяці, якія, як лічаць самі старшакласнікі, з'яўляюцца найбольш актуальнымі на сённяшні дзень.
Падчас навуковага StandUp будуць працаваць пляцоўкі “PROдзяцей. Сучаснае дзіця ... якое яно?” і “Адукацыйнае асяроддзе - прастора развіцця дзіцяці”. На першай пляцоўцы навучэнцы прадставяць псіхолага-педагагічныя, сацыяльна-педагагічныя, фенаменалагічныя і валеалагічныя навуковыя распрацоўкі. На другой -- вынікі праведзенай экспертызы адукацыйнаага асяроддзя сваёй школы.
Даследчыя распрацоўкі школьнікаў будуць прысвечаны наступным тэмам: “Ці можа сучасны першакласнік быць адказным і самастойным?”, “ Што для вас значыць школа?”, “Пакаленне “Z” у пытаннях і адказах, ці вынікі аднаго даследавання”, “Трывога і страх: ці трэба з імі змагацца?”, “У залежнасці ад гаджэтаў ... “, “ Кампьютарныя фанаты”, “Сучасны фармат школьнага асяроддзя”, “ Магічная школа, якая адкрывае вочы”, “ Вецер пераменаў” і іншыя.
Навуковы StandUp “Будучыя педагогі - аб сучасным дзіцяці” працягвае серыю навуковых падзей для навучэнцаў педагагічных класаў. У 2017 годзе адбыўся рэспубліканскі конкурс “Будучыя педагогі - пра школу будучыні”, а ў мінулым -- Фарсайт-форум “Будучыя педагогі - аб тэхналогіях падрыхтоўкі педагога”.
У навуковым StandUp прымуць удзел школьнікі з Мінска, Вілейкі, Дзяржынска, Смалявіч, Пінска, Століна, аграгарадка Жамчужны, Віцебска, Ушач, Полацку і іншых гарадоў і населеных пунктаў.
Надзея НІКАЛАЕВА
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
