Вы тут

Рэцэпт куліча «Крафін»


Сумесь далікатнага кекса і слоенага круасана, прыгатаваная ў велікодным стылі


Фота: стоп-кадр з youtube.com

Спатрэбіцца: пшанічная мука — 350 г, малако —100 мл, жаўток — 2 шт,, яйка — 1 шт., масла — 40 г (для цеста) і 100 г (для змазвання пластоў), міндальныя пялёсткі — 100 г, цукар — 80 г, соль — 0,5 ч. л., мускатны арэх — 1 ч. л., дрожджы — 20 г свежых або 7 г сухіх, сушаныя журавіны (можна выкарыстоўваць разынкі або іншыя сухафрукты) — 200 г, ванільны цукар — 10 г.

Змяшаць дрожджы з 1 ч. л. цукру і заліць цёплым малаком. Змясціць сумесь у цёплае месца, чакаць, пакуль над ёй не паднімецца пенная шапачка.

Растапіць у каструльцы масла. У глыбокай пасудзіне ўзбіць жаўткі з яйкам і ванільным цукрам. Узбіваць неабходна да ўтварэння пышнай пены.

Прасеяць у глыбокую міску муку, а ў цэнтры зрабіць невялікае паглыбленне. Наліць у яго дрожджы, якія падняліся, дадаць яечную сумесь, частку масла і соль. Усе інгрэдыенты старанна перамяшаць, дадаць масла, якое засталося, і замясіць цеста. Мясіць трэба да таго часу, пакуль цеста не перастане ліпнуць да пальцаў.

Пакласці гатовае цеста ў глыбокі посуд, змазаны маслам. Злёгку памазаць паверхню маслам, накрыць харчовай плёнкай і адправіць у цёплае месца, каб цеста для будучых кулічоў паднялося.

Калі цеста паднімецца, раздзяліць яго на тры роўныя часткі, скруціць з кожнай шар і ахінуць плёнкай яшчэ на 10 хвілін.

Прысыпаць мукой рабочую паверхню, раскачаць адну частку цеста ў тонкі прамавугольны пласт. Цеста павінна быць напаўпразрыстым, але трэба сачыць, каб яно не парвалася. Змазаць цеста размякчаным маслам.

Раўнамерна размеркаваць па паверхні мускатны арэх, журавіны і міндальныя пялёсткі. Можаце выкарыстаць любыя іншыя сухафрукты і цукаты.

Акуратна згарнуць цеста ў рулет. Тое ж самае зрабіць з астатнімі часткамі цеста. У выніку павінны атрымацца тры святочныя кулічы!

Вострым нажом разрэзаць рулет уздоўж, не даразаючы некалькі сантыметраў да краю.

Палову рулета скруціць у спіраль, тое ж самае зрабіць з другой паловай, але змясціць яе па-над першай. Зрабіць так з кожным рулетам.

Змясціць кулічы ў формы для выпякання і пакінуць на 20 хвілін у цёплым месцы.

Калі цеста злёгку паднімецца, адправіць велікодныя «Крафіны» на 10 хвілін у духоўку, разагрэтую да 200 °C, затым паменшыць тэмпературу да 180 °C, накрыць кулічы фольгай і выпякаць яшчэ 10 хвілін. Пасля гэтага фольгу зняць і выпякаць кулічы яшчэ 15 хвілін.

Прысыпаць гатовую выпечку цукровай пудрай.

Выбар рэдакцыі

Грамадства

Успаміны былой вязніцы пра Саласпілскі лагер смерці

Успаміны былой вязніцы пра Саласпілскі лагер смерці

Яна добра памятае той летні дзень. За акном сталі чутныя роў матацыклаў і нямецкая гаворка.

Грамадства

Першыя беларускія Соdе Сlub далучыліся да сусветнага руху

Першыя беларускія Соdе Сlub далучыліся да сусветнага руху

Як з дапамогай кода стварыць уласную анімацыю і «ажывіць» касмічны карабель? 

Грамадства

Як Віцебшчына развівае стасункі з Кітаем

Як Віцебшчына развівае стасункі з Кітаем

Наш карэспандэнт пастараўся згадаць самыя цікавыя прыклады сумеснай рэалізацыі праектаў.

Спорт

Анастасія Мірончык-Іванова: «Веру ў сябе і ў свае сілы»

Анастасія Мірончык-Іванова: «Веру ў сябе і ў свае сілы»

У спорце ёй двойчы прыходзілася пачынаць усё спачатку.