Вы тут

Што хвалюе жыхароў Оршы?


Каля трыццаці чалавек запісаліся на асабісты прыём у Оршы да кіраўніка Адміністрацыі Прэзідэнта Наталлі Качанавай. Сярод заяўнікаў былі і жыхары іншых раёнаў Прыдзвінскага краю.


Першым выказаў просьбу аршанец, які нарадзіўся ў 1938 годзе. Пенсіянер папрасіў паспрыяць у выдзяленні фінансавай дапамогі. Калі гэта магчыма, улада пойдзе насустрач.

Аршанка прыйшла на прыём з сынам з абмежаванымі магчымасцямі. Спадзявалася на падтрымку ў працаўладкаванні хлопца, які ўжо два гады шукае працу, але пакуль безвынікова. Між іншым, у маладога чалавека адна са спецыяльнасцяў — сантэхнік. Але, улічваючы стан здароўя, працаваць можа далёка не на любым прадпрыемстве. Кіраўніцтву райвыканкама Наталля Качанава даручыла на працягу двух тыдняў станоўча вырашыць гэтае пытанне. І абавязкова пацікавіцца пасля, ці будзе зроблена ўсё магчымае.

Супрацоўнік аднаго з аршанскіх прадпрыемстваў расказаў, што працуе на ім 14 гадоў. Заўваг наконт дысцыпліны няма. Але ўзнік канфлікт з дырэктарам, у выніку пачуў пагрозы ў свой адрас, што могуць не працягнуць кантракт. Мужчына заверыў, што кіраўнік не карыстаецца павагай у многіх падначаленых і гэта ўплывае на атмасферу ў калектыве. Таму людзі звальняюцца. Кіраўнік Адміністрацыі паабяцала сустрэцца з калегамі заяўніка, каб ад іх пачуць, ці мае суразмоўнік рацыю. Завочна патрабавала ад кіраўнікоў паважаць падначаленых.

Сярод іншых агучылі пытанне вылучэння жылля інваліду першай групы з дзяцінства, які можа перасоўвацца толькі ў калясцы, кампенсацыі страты грамадзяніну па прысудзе.

Усе пытанні не застануцца без усебаковага і дэталёвага вывучэння і будуць разгледжаны без цяганіны і фармалізму.

Наталля Качанава, выслухаўшы чарговага заяўніка, падкрэсліла, што прыём незвычайны. Яна растлумачыла, што часцей за ўсё людзі агучваюць праблемы, звязаныя са сферай ЖКГ, а ў Оршы гутарылі на самыя розныя тэмы.

Каментуючы журналістам мерапрыемства, кіраўнік Адміністрацыі Прэзідэнта адзначыла, што большасць зваротаў маглі б вырашыць на мясцовым узроўні. І ўважлівая праца з людскімі пытаннямі павінна быць паўсядзённай практыкай у дзейнасці адказных асоб. З боку заяўнікаў кіраўнік Адміністрацыі Прэзідэнта не заўважыла негатыву. Гэта пацвярджае тое, што людзі адносяцца да ўлады ў цэлым з павагай. Але чакаюць разумення сваіх праблем.

Аляксандр ПУКШАНСКІ

Фота БЕЛТА

Выбар рэдакцыі

Грамадства

Як у Беларусі трансплантуюць органы

Як у Беларусі трансплантуюць органы

І чаму да нас на аперацыі едуць замежнікі.

Грамадства

Карэспандэнты «Звязды» наведалі «Воўчыя норы»

Карэспандэнты «Звязды» наведалі «Воўчыя норы»

Там адбываюць пакаранне мужчыны, упершыню асуджаныя за незаконны абарот наркотыкаў.

Спорт

Аляксандра Герасіменя: У кожнага свой рэцэпт поспеху

Аляксандра Герасіменя: У кожнага свой рэцэпт поспеху

Аляксандра Герасіменя — сапраўдны баец, а яшчэ — клапатлівая маці і жонка. І проста працавіты чалавек, які не ведае перашкод.