Паведамленне пра пажар дома ў вёсцы Заазер'е паступіла ўначы 18 красавіка, гаворыцца на сайце МНС Беларусі.
Калі ратавальнікі прыбылі да месца здарэння, дом і размешчаны побач хлеў цалкам былі ахоплены полымем. На месцы пажару пад пластом будаўнічых канструкцый дома, якія абваліліся, ратавальнікі знайшлі загінулую гаспадыню дома. 85-гадовая пенсіянерка пражывала адна, знаходзілася на ўліку ў ДУ «Тэрытарыяльны цэнтр сацыяльнага абслугоўвання насельніцтва Ушацкага раёна».
У выніку пажару ў доме знішчаны дах, столевае перакрыцце, пашкоджаныя сцены, маёмасць, знішчаны хлеў. Прычына пажару высвятляецца. Разгляданая версія - парушэнне правілаў эксплуатацыі электрасетак і электраабсталявання (кароткае замыканне электраправодкі).
Васілеўскія такія: на Зямлі і ў космасе ліхія!
Ідэнтычнасць праз спадчыну.
Беларусь — у тройцы лідараў па захваральнасці.