Вы тут

Абмеркавана новая чарнобыльская рэзалюцыя Генасамблеі ААН


Прапановы па напаўненні новай чарнобыльскай рэзалюцыі Генеральнай асамблеі ААН абмяркоўваліся на пасяджэнні міжустаноўскай групы ААН па Чарнобылі ў штаб-кватэры Праграмы развіцця ААН у Нью-Ёрку. Мерапрыемства было арганізавана па ініцыятыве Беларусі, паведамілі БЕЛТА ў прэс-службе Міністэрства замежных спраў.


Удзельнікі пасяджэння прааналізавалі ход ажыццяўлення рэзалюцыі Генасамблеі ААН "Доўгатэрміновыя наступствы чарнобыльскай катастрофы" і вынікі супрацоўніцтва на гэтым напрамку за апошні год. Абмеркаваны прапановы па арганізацыі далейшага ўзаемадзеяння і магчымыя элементы новай чарнобыльскай рэзалюцыі, прыняцце якой плануецца ў ходзе наступнай сесіі Генасамблеі ААН.

Пастаянны прадстаўнік Беларусі пры ААН Валянцін Рыбакоў праінфармаваў удзельнікаў пасяджэння аб мерах, што прымаюцца беларускім бокам у мэтах сацыяльна-эканамічнага развіцця пацярпелых рэгіёнаў, адзначыўшы назапашаны Беларуссю ўнікальны вопыт у гэтай сферы і гатоўнасць дзяліцца ім. "Беларускі дыпламат прадставіў прапановы па напаўненні міжнароднага супрацоўніцтва па чарнобыльскіх пытаннях з удзелам арганізацый сістэмы ААН і заклікаў СААЗ, ФАО і ЮНІСЕФ да больш актыўнага ўключэння ў праектную дзейнасць на гэтым напрамку", - адзначылі ў МЗС.

Валянцін Рыбакоў таксама расказаў, што Беларусь сумесна з Ірландыяй, Украінай і ірландскай дабрачыннай арганізацыяй "Міжнародны праект дзецям Чарнобыля" арганізуе ў штаб-кватэры ААН спецыяльнае мерапрыемства з нагоды Міжнароднага дня памяці аб чарнобыльскай катастрофе.

Выбар рэдакцыі

Спорт

«Людзі думаюць, што ўсёмагутныя і — разбіваюцца»

«Людзі думаюць, што ўсёмагутныя і — разбіваюцца»

Ці так небяспечны парашутны спорт, як здаецца на першы погляд?

Грамадства

Дзе знаходзяць падтрымку бацькі асаблівых малых?

Дзе знаходзяць падтрымку бацькі асаблівых малых?

Стаялі ў калідоры і ўспаміналі першыя крокі ў выхаванні сваіх асаблівых дзетак.

Культура

«Калі чалавецтва зноў паставіць перад сабой высокія пытанні, яно мяне ўспомніць»

«Калі чалавецтва зноў паставіць перад сабой высокія пытанні, яно мяне ўспомніць»

Пагутарылі з нявесткай вядомага ўраджэнца Віцебска Лазара Хідэкеля.