У Рагачове школьніцу насмерць збіў цягнік

Цягнік насмерць збіў 15-гадовую школьніцу ў Рагачове, паведаміў БЕЛТА афіцыйны прадстаўнік МУС Аляксандр Марчанка.

Інцыдэнт адбыўся ўвечары 17 красавіка. Машыніст экстранна тармазіў, але пазбегнуць трагедыі не ўдалося. "Каля 17.30 на станцыі Рагачоў пад цягнік Магілёў - Калінкавічы трапіла 15-гадовая мясцовая жыхарка. Дзесяцікласніцу даставілі ў бальніцу з траўмамі, ад якіх яна памерла каля 21.00. Праводзіцца праверка", - распавёў Аляксандр Марчанка.

З пачатку года на чыгунцы ў Беларусі зафіксавана 29 няшчасных выпадкаў, у выніку якіх загінулі 22 чалавекі.