Вы тут

Viber рыхтуе беларускамоўную версію месанджара


Viber абвясціў аб рашэнні запусціць поўнафункцыянальную беларускую версію папулярнага месанджара, паведамляюць беларускія СМІ.


Спецыяльна да гэтага абнаўлення прымеркаваны конкурс па распрацоўцы стыкерпака сярод беларускіх ілюстратараў. Пераможца атрымае прыз у памеры 6 тысяч рублёў.

Конкурс для ілюстратараў "Viber па-беларуску" стартаваў 17 красавіка, будзе складацца з некалькіх этапаў. Каб прыняць удзел, неабходна да 10 мая падаць заяўку, якая будзе ўключаць: апісанне канцэпцыі пака і яго назву, а таксама тры намаляваныя каляровыя стыкеры.

Журы разгледзіць усе працы ўдзельнікаў і назаве 20 найлепшых, якія працягнуць змагацца за галоўны прыз. Фіналісты прадставяць свае работы 16 мая ў мінскім офісе Viber. Далей журы сфармуе шорт-ліст з пяці найлепшых работ. Пераможца конкурсу будзе абраны шляхам апытання ў суполцы Viber Беларусь.

Удзельнік, які заняў першае месца, атрымае магчымасць папрацаваць са студыяй дызайну Viber і запусціць на пляцоўцы свой уласны стыкерпак.

"Беларусь для нас асаблівы рэгіён. Viber з'яўляецца самым папулярным дадаткам для абмену паведамленнямі ў краіне. У Мінску і Брэсце знаходзяцца два нашыя буйныя цэнтры распрацоўкі. Таму мы рады, што маем магчымасць умацаваць сувязь паміж Беларуссю і Viber", - адзначыў генеральны дырэктар Viber Джамэл Агауа.

Выбар рэдакцыі

Эканоміка

Прыватны бізнес выбірае Смілавічы

Прыватны бізнес выбірае Смілавічы

У гэтым упэўнілася карэспандэнт, наведаўшы пасёлак.

Грамадства

Карэспандэнты «Звязды» наведалі «Воўчыя норы»

Карэспандэнты «Звязды» наведалі «Воўчыя норы»

Там адбываюць пакаранне мужчыны, упершыню асуджаныя за незаконны абарот наркотыкаў.

Спорт

Аляксандра Герасіменя: У кожнага свой рэцэпт поспеху

Аляксандра Герасіменя: У кожнага свой рэцэпт поспеху

Аляксандра Герасіменя — сапраўдны баец, а яшчэ — клапатлівая маці і жонка. І проста працавіты чалавек, які не ведае перашкод.