Астрафізікі ўпершыню зафіксавалі ў касмічнай прасторы гідрыд гелія (HeH⁺) - першае малекулярнае злучэнне, якое з'явілася пасля Вялікага выбуху. Гэтая знаходка пацвярджае прынятыя ў сучаснай навуцы тэорыі аб ранніх этапах развіцця Сусвету, паведамляе Meduza.
Адразу пасля Вялікага выбуху ў Сусвеце былі толькі вадарод, гелій, а таксама следавыя колькасці літыя - з-за высокай тэмпературы ўсе яны знаходзіліся ў стане плазмы. Па меры хуткага пашырэння матэрыі адбывалася яе астуджэнне, што дало магчымасць для ўтварэння атамаў і малекул. Першай малекулай і стаў гідрыд гелія - злучэнне нейтральнага атама гелія і іона вадароду. Ён з'явіўся прыкладна 100 тысяч гадоў пасля Вялікага выбуху, калі тэмпература складала каля 4000 кельвінаў.
У лабараторных умовах на Зямлі гідрыд гелія быў атрыманы яшчэ ў 1925 годзе, але да гэтага часу навукоўцам не ўдавалася атрымаць пацверджанне яго існавання ў космасе. Спектральныя лініі гідрыда гелія блізкія да спектральных ліній шэрагу малекул зямной атмасферы, з-за чаго яго практычна немагчыма ідэнтыфікаваць з Зямлі. У новым даследаванні для збору дадзеных выкарыстоўвалася лятаючая абсерваторыя SOFIA - самалёт Boeing 747SP з усталяваным на ім тэлескопам, які вёў здымку з вышыні 13 кіламетраў.
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
