Вы тут

Беларускі балет убачаць у Кітаі


3 і 4 мая трупа Вялікага тэатра Беларусі прадставіць знакаміты балет "Спартак" Армена Хачатурана ў пастаноўцы Валянціна Елізар'ева на сцэне Нацыянальнага цэнтра выканальніцкіх мастацтваў у Пекіне. Гэту навіну паведаміла "Звяздзе" вядучы рэдактар аддзела інфармацыі тэатра Алена Балабановіч.


Яна нагадала, што прадстаўленая ў 1980 годзе беларуская пастаноўка, паводле водгукаў крытыкаў і гледачоў, сярод дзясяткаў існуючых версій балету ўваходзіць у лік найлепшых. За мінулыя гады яе ацаніла публіка ў Вялікабрытаніі, Італіі, Іспаніі, Партугаліі, Польшчы, Расіі, Францыі, Швейцарыі, Егіпце, Індыі, Паўднёвай Карэі, Сірыі, Тайландзе, Турцыі і іншых краінах свету. А новую рэдакцыю знакамітага балету прадставіў летась сам харэограф-пастаноўшчык —мастацкі кіраўнік Вялікага тэатра, народны артыст СССР і Беларусі, прафесар Валянцін Елізар'еў.

У мастацкай гісторыі самага вядомага паўстання супраць Рыму, якую нашы суайчыннікі пакажуць у  Кітаі, занятыя каля 50 артыстаў. Галоўныя партыі – Спартака, Фрыгіі і Краса – выканаюць салісты тэатра: народная артыстка Ірына Яромкіна, заслужаныя артысты Канстанцін Геронік і Алег Яромкін, лаўрэаты міжнародных конкурсаў Яна Штангей, Ігар Аношка і Ягор Азаркевіч.

Вікторыя ЦЕЛЯШУК

Фота прэс-службы тэатра
 

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.