Вы тут

Каля 100 тысяч мінчан пакутуюць ад стэнакардыі


Каля 100 тысяч мінчан пакутуюць ад стэнакардыі. Захворванне часта з'яўляецца першапачатковай праявай ішэмічнай хваробы сэрца (ІХС) і лічыцца найбольш распаўсюджанай прычынай смяротнасці насельніцтва ў свеце, паведамляе БелТА.


"У Мінску стэнакардыя адзначаецца практычна ў 100 тысяч гараджан. Яна падвойвае рызыку развіцця значных сардэчна-сасудзістых ускладненняў, у тым ліку інфаркту міякарда", - распавялі ў цэнтры эпідэміялогіі, гігіены і грамадскага здароўя.

Прыблізна траціна пацыентаў з хранічнай ІХС пакутуе ад стэнакардыі, да 30% пацыентаў працягваюць адчуваць сімптомы стэнакардыі праз месяц пасля хірургічнага метаду паляпшэння крывацёку праз звужаныя каранарныя артэрыі (рэваскулярызацыі). Захворванне аказвае адмоўны ўплыў на якасць жыцця і вядзе да трохкратнага павелічэння рызыкі інваліднасці, 1,5-кратнага павелічэння рызыкі страты працы.

Спецыялісты адзначаюць, што стэнакардыя не да канца распазнаецца ў 43,3% пацыентаў з ІХС, 44% пацыентаў з частымі прыступамі стэнакардыі атрымліваюць неаптымальную антіангінальную тэрапію.

Западозрыць у сябе такое захворванне можна па цяжару ў грудзях. Нездарма стэнакардыю называюць яшчэ грудной жабай.

Выбар рэдакцыі

Грамадства

Як сапраўдныя мужыкі засвойваюць «жаночую» справу

Як сапраўдныя мужыкі засвойваюць «жаночую» справу

У апошнія гады тэма раўнапраўя паміж мужчынамі і жанчынамі перажывае новую хвалю росквіту.

Культура

Згадкі пра Аркадзя Куляшова

Згадкі пра Аркадзя Куляшова

Гісторыя аднаго выступлення.