Вы тут

БРСМ правядзе дабрачынны марафон у падтрымку 5-гадовага барысаўчаніна


23 красавіка ў 18.00 у Барысаве адбудзецца дабрачынны марафон БРСМ “Усе фарбы жыцця для цябе” з удзелам зорак беларускай эстрады ў падтрымку цяжка хворага пяцігадовага барысаўчаніна Сцяпана Юданава. Мерапрыемства пройдзе ў ДК ім. М. Горкага (пр. Рэвалюцыі, 49).


Сабраць сродкі для правядзення лячэння маленькаму ўраджэнцу Барысава будуць дапамагаць пастаянныя ўдзельнікі дабрачынных марафонаў БРСМ, зоркі беларускай эстрады --- па-сапраўднаму шчырыя людзі -- Анастасія Ціхановіч, Іван Вабішчэвіч, Саша Нема, Арцём Міхаленка, Хелена Мерааі, Ягор Канн, група “PRАвакацыя” , шоу казачай песні “Маме падабаецца”, творчая майстэрня эстраднага мастацтва “Хвiлiнка” і іншыя. Вядучыя канцэрта – Вольга Сацюк і ALEN HIT.

Квіткі на канцэрт у падтрымку Сцёпы Юданава можна набыць у касах Палаца культуры Барысава.

Арганізатары мерапрыемства заклікаюць усіх людзей з добрымі сэрцамі і адкрытымі душамі далучыцца 23 красавіка да марафону “Усе фарбы жыцця для цябе” і дапамагчы мару Сцёпкі і яго бацькоў аб здаровым дзяцінстве зрабіць явай.

З 2009 года ў Мінскай вобласці больш за 20 дзяцей і некалькі сацыяльных устаноў атрымалі адрасную дапамогу. Дзякуючы марафону БРСМ было выратавана нямала дзіцячых жыццяў.

Сяргей РАСОЛЬКА

Выбар рэдакцыі

Спорт

«Людзі думаюць, што ўсёмагутныя і — разбіваюцца»

«Людзі думаюць, што ўсёмагутныя і — разбіваюцца»

Ці так небяспечны парашутны спорт, як здаецца на першы погляд?

Грамадства

Дзе знаходзяць падтрымку бацькі асаблівых малых?

Дзе знаходзяць падтрымку бацькі асаблівых малых?

Стаялі ў калідоры і ўспаміналі першыя крокі ў выхаванні сваіх асаблівых дзетак.

Культура

«Калі чалавецтва зноў паставіць перад сабой высокія пытанні, яно мяне ўспомніць»

«Калі чалавецтва зноў паставіць перад сабой высокія пытанні, яно мяне ўспомніць»

Пагутарылі з нявесткай вядомага ўраджэнца Віцебска Лазара Хідэкеля.