Вы тут

У Рэчыцкім раёне ў згарэлай траве знойдзены загінулы мужчына


Ратавальнікам ад дзяжурнага РАУС паступіла паведамленне аб тым, што непадалёк ад чыгуначнай станцыі Васілевічы ў траве знойдзены загінулы мужчына. Высветлілася, што адбылося гэта пры тушэнні сухой расліннасці ў 20 метрах ад чыгуначных пуцей дарожным майстрам. Як мяркуецца, прычынай пажару стала неасцярожнае абыходжанне з агнём (вінаватая асоба ўстанаўліваецца).


Паводле аператыўных даных МНС, гэта шосты выпадак з пачатку года, калі ў згарэлай расліннасці быў знойдзены загінулым чалавек. Яшчэ пяць чалавек атрымалі апёкі. Так, у мінулую пятніцу ў вёсцы Залессе Чэрвеньскага раёна пры самастойным тушэнні пажару атрымаў апёкі першай-трэцяй ступені (30 працэнтаў паверхні цела) мужчына.

З пачатку года ў краіне адбылося 1584 пажараў травы і кустоў. У Брэсцкай вобласці — 368, у Віцебскай — 103, Гомельскай — 37, Гродзенскай — 187, у Мінскай — 509, Магілёўскай — 380. Агнём пры гэтым знішчаны 45 і пашкоджаны 27 будынкаў.

Ратавальнікі нагадваюць: будзьце асцярожныя. Не кідайце недакуркі, запалкі, бутэлькі, ня падпальвайце траву. Калі вы сталі сведкам пажару, правільна ацаніце абстаноўку і ўмейце дзейнічаць згодна з ёй. Калі вы бачыце, што сваімі сіламі не спраўляецеся, тэлефануйце ў «101».

Сяргей РАСОЛЬКА

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.