23 красавіка БРСМ дыялогам пакаленняў дае старт рэспубліканскаму патрыятычнаму праекту “Беларусь памятае. Кветкі Вялікай Перамогі” (г. Мінск, вул. Я. Купалы, 21, Камінная зала, Палац культуры ветэранаў, пачатак – у 9.30).
Праект “Кветкі Вялікай Перамогі” ініцыяваны БРСМ у 2015 годзе. Сёння ён стаў сімвалам пераемнасці пакалення пераможцаў і маладых сучаснікаў і перарос у сацыяльную акцыю, якая аб'яднала сотні тысяч людзей розных прафесій і ўзростаў, нагадваюць арганізатары мерапрыемства.
У Палацы культуры ветэранаў удзельнікамі дыялогу пакаленняў стануць ветэраны Вялікай Айчыннай вайны і фіналісткі рэспубліканскага конкурсу грацыі і артыстычнага майстэрства "Каралева Вясна – 2019”, які хутка пройдзе ў сталіцы краіны.
Ветэраны падзеляцца ўспамінамі пра тое, як абаранялі і вызвалялі Беларусь ад нямецка-фашысцкіх захопнікаў, заваёўвалі Вялікую Перамогу.
Атмасферу асаблівай душэўнасці сустрэчы дапаможа стварыць сумеснае выкананне папулярных ваенных песень пад баян “Сіняя хустачка”, “Смуглянка”, “Кацюша” і іншых.
Не абыдзецца дыялог пакаленняў без традыцыйных падарункаў. У знак падзякі таленавітыя ўдзельніцы папулярнага студэнцкага праекта падораць ветэранам цукеркі ААТ “Спартак” з брэндам патрыятычнага праекта “Кветкі Вялікай Перамогі”.
24 красавіка будучыя каралевы падтрымаюць рэспубліканскі конкурс патрыятычных фатаграфій “Беларусь памятае”. Фотасет у намінацыі конкурсу – “Нашчадкі Перамогі" – адбудзецца ў Нацыянальнай школе прыгажосці (14.00). Трынаццаць здымкаў дзяўчат, зробленых з партрэтамі сваіх прадзедаў, раскажуць трынаццаць гісторый гераічнага мінулага беларусаў. Фатаграфіі будуць размешчаны ў групах БРСМ у сацсетках з хэштэгам #Беларусьпомнит.
Сяргей РАСОЛЬКА
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
