Вы тут

У Мірскім замку можна прайсці квэст «Белы слон»


Насамрэч «Белы слон» — гэта квэст (гульня), падрыхтаваны супрацоўнікамі Мірскага замка для ўсіх ахвотных. Ён напэўна ж прыйдзецца да густу аматарам таямніц і загадак.


Амаль 100 гадоў Мірскі замак захоўвае гісторыю пра Белага слана. І вось прыйшоў час адкрыць заслону невядомасці і даведацца неверагодную гісторыю, якая доўгі час была забытая...

Удзельнікаў гульні чакаюць няпростыя выпрабаванні на логіку і кемлівасць і, вядома, на веданне гісторыі замка. Толькі прайшоўшы нялёгкі шлях складаных загадак, можна будзе даведацца, пра якога Белага слана ідзе размова.

Варта адзначыць, што гэта не першая гульня, якая ладзіцца ў замку. Летась госці старажытнага мура разгадвалі «Таямніцу двух куфраў». Справа ў тым, што падчас правядзення рамонтных работ уладальнік Мірскага замка князь Міхаіл Святаполк-Мірскі знайшоў стары куфар, які на працягу некалькіх стагоддзяў знаходзіўся ў адным са склепаў. З запіскі, знойдзенай побач з куфрам, вынікала, што гэты скарб схаваў князь Караль Станіслаў Радзівіл «Справядлівы» падчас вайны са шведамі. Удзельнікам гульні трэба было дапамагчы адкрыць гэты куфар. Таксама яны мелі магчымасць дапамагчы кухару прыгатаваць страву для князя. Вось такая нясумная гісторыя!

Варвара ГОМАН

Загаловак у газеце: Дзе хаваецца белы слон?

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…