Вы тут

Праект Tаstе оf Bеlаrus распрацавалі да Еврагульняў


Спецыяльна да II Еўрапейскіх гульняў быў распрацаваны ўнікальны праект — Tаstе оf Bеlаrus, які дапаможа замежным гасцям даведацца больш пра культуру Беларусі і яе аўтэнтычную кухню. Яго галоўная мэта — па-сапраўднаму здзівіць і паказаць лепшыя стравы, якія прапануюць ўстановы Мінска.


Tаstе оf Bеlаrus — гэта гастранамічны гід, дапоўнены спецыяльнай мабільнай праграмай на англійскай мове. Праект дазволіць кожнаму турысту хутка сарыентавацца ў беларускай кухні і выбраць тыя пазіцыі і ўстановы, якія абавязкова варта пакаштаваць і наведаць. Анлайн і афлайн-каталог аб'яднае 2500 страў нацыянальнай кухні з 200 рэстаранаў Мінска.

У анлайн-каталогу на кожную страву можна будзе паставіць водгук і ўбачыць яе рэйтынг, а таксама рэйтынгі рэстаранаў, дзе тую ці іншую страву можна будзе пакаштаваць. Да Гульняў будзе выпушчана друкаваная версія каталога, якую плануецца распаўсюджваць у Нацыянальным аэрапорце, гасцініцах Мінска і месцах правядзення спартыўных мерапрыемстваў. На старонцы кожнай стравы ёсць QR-код, па якім у праграме адкрываецца спіс месцаў, дзе можна яе пакаштаваць.

Такім чынам, пра найлепшыя гастранамічныя і іншыя брэнды Беларусі зможа даведацца ўсё большая колькасць людзей ва ўсім свеце. Праект плануецца інтэграваць з сайтам ІІ Еўрапейскіх гульняў і афіцыйнай мабільнай праграмай.

Дар'я ЛАБАЖЭВІЧ

Загаловак у газеце: Кулінарны гід для замежнікаў

Выбар рэдакцыі

Грамадства

Што трэба, каб пражыць даўжэй?

Што трэба, каб пражыць даўжэй?

Герыятр распавядае пра сакрэты доўгажыхароў і тое, што падаўжае наша жыццё.

Спорт

З агнём Еўрапейскіх гульняў карэспандэнт «Звязды» адправілася ў кар’еры

З агнём Еўрапейскіх гульняў карэспандэнт «Звязды» адправілася ў кар’еры

Сярод 450 шчасліўчыкаў, якім даверана несці факел з агнём ІІ Еўрапейскіх гульняў, аказалася наша Дар'я Лабажэвіч.

Грамадства

Будні сельскага ўрача

Будні сельскага ўрача

З якімі наступствамі аптымізацыі прыходзіцца яму сутыкацца падчас работы.