Вы тут

11—19 мая ўпершыню ў Беларусі пройдзе Міжнародны веласіпедны тыдзень


Мінск стане веласіпеднай сталіцай!


Ён аб'яднае ўсе самыя значныя веласіпедныя мерапрыемствы нашай краіны. Старт гэтай падзеі дадуць Міжнародныя спаборніцтвы па веласіпедным спорце на шашы Europe Tour UCІ «Кубак Мінска» і «Гран-пры Мінска», удзел у якіх прымуць больш за 150 спартсменаў з 15 краін.

11 мая гоншчыкі будуць змагацца за перамогу ў «Кубку Мінска», а 12 мая горад сустрэне «Гран-пры Мінска». Спаборніцтвы стануць тэставымі напярэдадні веласіпеднай праграмы ІІ Еўрапейскіх гульняў, а траса будзе пралягаць па маршруце групавой гонкі Гульняў.

«Кубак Мінска» стартуе на праспекце Пераможцаў, ад Gallerіa Mіnsk, а вось стартавая и фінішная зона «Гран-пры Мінска» сёлета размесціцца на Кастрычніцкай плошчы перад Палацам Рэспублікі, дзе разгорнецца вялікая забаўляльная пляцоўка з мноствам цікавых актыўнасцяў, выступленнем зорных артыстаў і традыцыйным конкурсам «Веламіс-2019». Конкурс прынясе мноства яркіх эмоцый не толькі ўдзельніцам, але і ўсім, хто далучыцца да свята ў якасці гледачоў або групы падтрымкі.

Самае доўгачаканае і любімае свята — велакарнавал «Vіva ровар!» — адбудзецца 18 мая, дарэчы, сёлета яно адзначыць сваё пяцігоддзе. Галоўная пляцоўка грандыёзнага веласіпеднага фестывалю размесціцца ў парку Перамогі, а старт калоны будзе дадзены каля стэлы «Мінск — горад-герой».

Арганізатары ўпэўніваюць, што сёлета сталіца ўбачыць яшчэ больш яскравых карнавальных касцюмаў, а для ўдзельнікаў і гасцей фестывалю прыгатавана шмат новага і цікавага. У вялікай канцэртнай праграме адбудзецца выступленне гурта «Ронда» на чале з легендарным рок-спеваком, музыкантам і аўтарам песень Аляксандрам Івановым.

З 16 да 19 мая прыхільнікі веласіпеднага спорту змогуць назіраць за міжнароднымі спаборніцтвамі па веласіпедным спорце на трэку «Гран-пры Мінска». На веладроме «Мінск-арэны» паспаборнічаюць больш за 200 велагоншчыкаў.

Загаловак у газеце: Мінск стане веласіпеднай сталіцай!

Выбар рэдакцыі

Грамадства

Што трэба, каб пражыць даўжэй?

Што трэба, каб пражыць даўжэй?

Герыятр распавядае пра сакрэты доўгажыхароў і тое, што падаўжае наша жыццё.

Спорт

З агнём Еўрапейскіх гульняў карэспандэнт «Звязды» адправілася ў кар’еры

З агнём Еўрапейскіх гульняў карэспандэнт «Звязды» адправілася ў кар’еры

Сярод 450 шчасліўчыкаў, якім даверана несці факел з агнём ІІ Еўрапейскіх гульняў, аказалася наша Дар'я Лабажэвіч.

Грамадства

Будні сельскага ўрача

Будні сельскага ўрача

З якімі наступствамі аптымізацыі прыходзіцца яму сутыкацца падчас работы.