Вы тут

Нацбібліятэка падрыхтавала віртуальны праект пра Станіслава Манюшку


Новы віртуальны праект "Станіслаў Манюшка. Музычны рамантык з Міншчыны" прэзентуюць 24 красавіка ў галерэі "Лабірынт", паведамілі БЕЛТА ў Нацыянальнай бібліятэцы Беларусі.


Віртуальны праект пра жыццё і творчасць Станіслава Манюшкі, прымеркаваны да 200-годдзя з дня яго нараджэння, будзе прадстаўлены ў час творчага вечара "Музыкай святой тут поўніцца душа".

"Упершыню ў рамках аднаго інфармацыйнага рэсурсу можна будзе азнаёміцца з творчай спадчынай Манюшкі і даведацца пра пастаноўкі на беларускай сцэне. Карыстальнікі змогуць убачыць пераведзеныя ў лічбавы фармат выданні нотных дакументаў другой паловы XIX - пачатку XX стагоддзяў з фондаў Нацыянальнай бібліятэкі Беларусі, а таксама пачуць фрагменты аўдыязапісаў твораў вядомага кампазітара ў выкананні сучасных музыкантаў", - расказалі ў бібліятэцы.

Праект рэалізуецца ў рамках рэспубліканскага плана мерапрыемстваў па святкаванні 200-годдзя з дня нараджэння нашага знакамітага земляка Станіслава Манюшкі, яго юбілей уключаны ў Спіс памятных дат ЮНЕСКА на 2019 год.

Выбар рэдакцыі

Грамадства

Як сапраўдныя мужыкі засвойваюць «жаночую» справу

Як сапраўдныя мужыкі засвойваюць «жаночую» справу

У апошнія гады тэма раўнапраўя паміж мужчынамі і жанчынамі перажывае новую хвалю росквіту.

Культура

Згадкі пра Аркадзя Куляшова

Згадкі пра Аркадзя Куляшова

Гісторыя аднаго выступлення.