Вы тут

На магістралі выберуць Міс і Лідара


Конкурс пад аднайменнай назвай упершыню пройдзе на Беларускай чыгунцы. За галоўны тытул будуць змагацца шэсць пар. Прыгожыя, энергічныя, дапытлівыя хлопцы і дзяўчаты ва ўзросце да 31 года прадэманструюць свой талент, творчыя здольнасці і інтэлектуальны патэнцыял.


Гэта прадстаўнікі самых розных чыгуначных прафесій, якія змаглі зарэкамендаваць сябе з найлепшага боку на сваім рабочым месцы, паведамілі ў прэс-цэнтры магістралі. Будзе прадстаўлена па адной пары ўдзельнікаў, якая перамагла ў адборачным туры, ад кожнага аддзялення.

Конкурс будзе праводзіцца ў пяць этапаў. Пачнецца ён з дэфіле ўдзельнікаў «Мой адрас не дом і не вуліца, мой адрас — стальная магістраль». Затым канкурсанты выканаюць канцэртны нумар з калектывам аматарскай мастацкай творчасці (этап «У творчай садружнасці»). Удзельнікам таксама трэба будзе вызначыць, які вядомы куток краіны ці помнік архітэктуры будзе паказаны на экране і расказаць пра яго (этап «Па мясцінах Беларусі»). Падчас правядзення этапу «Карнавал збірае сяброў» адбудзецца дэфіле ў карнавальных касцюмах і іх абарона. Завершыцца конкурс фотасесіяй удзельнікаў у вячэрніх уборах.

Пераможцы конкурсу стануць уладальнікамі ганаровых званняў «Міс Беларускай чыгункі» і «Лідар Беларускай чыгункі», таксама ім будуць уручаны дыпломы і памятныя прызы.

Штогадовая традыцыя выбіраць Міс і Лідара нарадзілася ў Мінскім аддзяленні БЧ сем гадоў таму. Улічваючы асаблівую папулярнасць гэтага конкурсу, сёлета было прынята рашэнне правесці яго сярод работнікаў усёй Беларускай чыгункі.

Сяргей РАСОЛЬКА

Выбар рэдакцыі

Культура

Што з нашага парадку дня трапляе ў «афіцыйнае» дакументальнае кіно

Што з нашага парадку дня трапляе ў «афіцыйнае» дакументальнае кіно

Свавольныя традыцыі, постчарнобыльскі рай і камп'ютарныя курсы для пенсіянераў.

Эканоміка

Як наладзіць бізнес у невялікім райцэнтры, дзе няма чыгункі

Як наладзіць бізнес у невялікім райцэнтры, дзе няма чыгункі

Уздзенскі касцёл, які пабудавалі ў канцы ХVІІІ стагоддзя, мясцовыя ўлады не адзін раз спрабавалі прадаць праз электронны аўкцыён, але ахвотных аднавіць помнік архітэктуры не знаходзілася. 

Спорт

«Дзясятае месца — гэта наша памылка». Беларускія гандбалісты не выйшлі ў алімпійскі кваліфікацыйны турнір

«Дзясятае месца — гэта наша памылка». Беларускія гандбалісты не выйшлі ў алімпійскі кваліфікацыйны турнір

У заключным матчы ЧЕ па гандболе зборная Беларусі згуляла ўнічыю з камандай Аўстрыі — 36:36