Вы тут

Белінвестбанк абмяжоўвае зняцце наяўных грошай у банкаматах


Белінвестбанк мяняе падыходы да тарыфікацыі аперацый зняцця наяўных грашовых сродкаў па банкаўскіх плацежных картках, паведамляе сайт банка.


Змяненні і дапаўненні ўступаюць у сілу 2 мая гэтага года. Так, максімальная сума для зняцця наяўных у банкаматах банка і партнёраў без камісіі будзе складаць 500 рублёў у суткі. Калі картка адкрыта ў доларах, еўра або расійскіх рублях, то гэта 200 долараў, 200 еўра ці 15 тысяч расійскіх рублёў. Усяго ў месяц у рамках бясплатнай сумы можна будзе зняць 1500 рублёў, 600 долараў, 600 еўра, 45 тысяч расійскіх рублёў. У выпадку перавышэння ліміту будзе спісвацца камісія — 0,5 % ад сумы, але мінімум 2 беларускія рублі, або 3 долары, або 3 еўра за кожную аперацыю па выдачы наяўных.

Акрамя таго, трымальнікі картак Белінвестбанка змогуць бясплатна тры разы на працягу месяца праглядаць баланс у прыладах самаабслугоўвання — банкаматах і інфакіёсках любых банкаў. Цяпер аналагічны падыход будзе ўжыты і ў банкаматах Белінвестбанка і банкаў-партнёраў. Тры разы на месяц — бясплатна, а за кожны наступны прагляд балансу будзе спісана 25 капеек. Новыя падыходы да тарыфікацыі аперацый зняцця наяўных па картках зменены ў сувязі з развіццём сістэмы безнаяўных плацяжоў, выкарыстання сучасных плацежных механізмаў.

Сяргей КУРКАЧ

Загаловак у газеце: Перавод у гатоўку абыдзецца ў капеечку

Выбар рэдакцыі

Грамадства

Валанцёры супраць каранавіруса: адзін дзень з жыцця мінскага хаба ByCovid19

Валанцёры супраць каранавіруса: адзін дзень з жыцця мінскага хаба ByCovid19

Запушчаная кампанія па дапамозе медыкам ByCovid19 перарасла ў буйны «антыкаранавірусны» рух.

Культура

Кіназнаўца Мiкалай Iзволаў: На маёй памяцi адкрыццё такога маштабу здарылася ўпершыню

Кіназнаўца Мiкалай Iзволаў: На маёй памяцi адкрыццё такога маштабу здарылася ўпершыню

Гэта была сенсацыя: у 2018 годзе быў паказаны страчаны фiльм Дзiгi Вертава.

Грамадства

Спрыяльнае навакольнае асяроддзе ствараецца там, дзе над гэтым працуюць на месцах — у гарадскіх мікрараёнах ці на вясковых падворках і вуліцах

Спрыяльнае навакольнае асяроддзе ствараецца там, дзе над гэтым працуюць на месцах — у гарадскіх мікрараёнах ці на вясковых падворках і вуліцах

Маленькі прынц у аднайменнай казцы кожны дзень пачынаў з таго, што прыводзіў у парадак сваю планету. 

Калейдаскоп

Вясёлыя гісторыі чытачоў

Вясёлыя гісторыі чытачоў

Чым бы дзіця ні цешылася, абы не плакала. Пажадана, каб нікога да слёз не даводзіла. Але ж бывае па-іншаму.