Вы тут

За мінулыя суткі ратавальнікі ліквідавалі 87 пажараў у экасістэмах


Паводле аператыўных даных з 6:00 24 красавіка да 6:00 25 красавіка ліквідаваныя 27 лясных пажараў на агульнай плошчы больш за 110 га, 7 тарфяных пажараў на агульнай плошчы 2 га і 53 пажары травы і кустоў на агульнай плошчы больш за 26 га, у тым ліку пажар каля вёскі Крынічнае Гродзенскага раёна, гаворыцца на сайце МНС Беларусі.


24 красавіка ў 12:33 паступіла паведамленне аб выяўленні пажару (сухая расліннасць і лес) на тэрыторыі Кіраўскага лясніцтва каля вёскі Красноўка Нараўлянскага раёна. Для ліквідацыі задзейнічаныя 29 адзінак тэхнікі і 112 чалавек. Па стане на 06:00 плошча пажару складала 40 га.

24 красавіка ў 14:36 ​​паступіла паведамленне аб выяўленні пажару (сухая расліннасць і лес) каля вёскі Крынічнае Гродзенскага раёна. Часова была абмежаваная праца пункта пропуску Прывалкі Гродзенскага р-на (мяжа з Літвой). Для ліквідацыі пажару былі задзейнічаныя 70 адзінак тэхнікі і 346 чалавек. У 23.57 пажар ліквідаваны, пацярпелых няма, агульная плошча, пройдзеная фронтам пажару, склала 30 га.

Працягнута тушэнне пажару травы і кустоў каля вёскі Альманы Столінскага р-на Брэсцкай вобласці. Для ліквідацыі пажару задзейнічаны 42 адзінкі тэхнікі і 139 чалавек. Верталёты Мі-8 Авіяцыі МНС за суткі ажыццявілі 97 скідаў вады. Тушэнне ўскладнена адсутнасцю пад'язных шляхоў і забалочанай мясцовасцю. Для маніторынгу і ацэнкі становішча ажыццяўляецца авіяцыйнае патруляванне. Работы па ліквідацыі працягваюцца.

Фота: mchs.gov.by

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…