Вы тут

Экабяспека і парадак — галоўныя прыярытэты


На чарговым пасяджэнні калегіі Мінпрыроды асноўнымі тэмамі сталі пытанні навядзення парадку на зямлі, выкарыстання прыродных рэсурсаў, выканання прыродаахоўнага заканадаўства і дасягнення Мэт устойлівага развіцця.


Удзельнікі пасяджэння — супрацоўнікі цэнтральнага апарату ведамства, кіраўнікі падначаленых арганізацый і структурных падраздзяленняў Мінпрыроды — разгледзелі вынікі працы, выкананне ўстаноўленых паказчыкаў і заданняў на першы квартал 2019 года.

Міністр прыродных рэсурсаў і аховы навакольнага асяроддзя Андрэй Худык падкрэсліў, што дзейнасць міністэрства ў гэты перыяд была накіравана на выкананне даручэнняў кіраўніка дзяржавы, урада, паказчыкаў сацыяльна-эканамічнага развіцця і рэалізацыю мерапрыемстваў дзяржаўных і галіновых праграм.

— Сённяшняя калегія павінна прайсці з асаблівым акцэнтам на прыярытэтах далейшага развіцця краіны, вызначаных у Пасланні Прэзідэнта беларускаму народу і Нацыянальнаму сходу. Кіраўнік дзяржавы даў нам, як органу дзяржаўнага кіравання, своеасаблівую дарожную карту, якой мы будзем прытрымлівацца ў сваёй працы, — адзначыў міністр.

Так, сёлета працягваецца праца па вывучэнні нетраў і развіцці матэрыяльна-сыравіннай базы краіны — былі падрыхтаваны і перададзены ў распрацоўку дзевяць разведаных радовішчаў (частак) карысных выкапняў. Робяцца захады для ўдасканалення дзеючай сістэмы абыходжання з адходамі, па выкананні абавязацельстваў, прынятых Беларуссю па рэалізацыі палажэнняў Стакгольмскай канвенцыі аб стойкіх арганічных забруджвальніках.

Працуюць у ведамстве і па дасягненні Мэт устойлівага развіцця экалагічнага кірунку, у прыватнасці праз узаемадзеянне з Нацыянальным статыстычным камітэтам.

Працягваецца абвешчаная ў 2018 годзе міністэрствам кампанія «Добраўпарадкуем малую радзіму», у рамках якой праходзяць акцыі і мерапрыемствы па азеляненні, навядзенні парадку на зямлі, а таксама добраўпарадкаванне раёнаў, паркаў з прыцягненнем органаў дзяржкіравання, устаноў адукацыі, грамадскіх арганізацый, прадпрыемстваў.

Асаблівую ўвагу ўдзялілі мерапрыемствам па азеляненні населеных пунктаў, у тым ліку выкананню даручэнняў Прэзідэнта. Толькі за першы квартал 2019 года ў краіне на прыдамавых і іншых тэрыторыях было высаджана 50 309 дрэў і звыш 28 000 кустоў. Гэту працу неабходна працягваць і далей, падкрэслілі ўдзельнікі калегіі, пры гэтым важна не толькі высаджваць новыя расліны, але і забяспечваць іх догляд.

Калегія адзначыла, што неабходна актывізаваць працу тэрытарыяльных органаў і арганізацый Мінпрыроды з мэтай забеспячэння безумоўнага выканання асноўных паказчыкаў і мерапрыемстваў у 2019 годзе.

Вераніка КОЛАСАВА

Фота Сяргея НІКАНОВІЧА

Выбар рэдакцыі

Спорт

Марына Літвінчук і Вольга Худзенка сталі чэмпіёнкамі ІІ Еўрапейскіх гульняў

Марына Літвінчук і Вольга Худзенка сталі чэмпіёнкамі ІІ Еўрапейскіх гульняў

Сёння на вяслярным канале ў Заслаўі працягнуліся спаборніцтвы па веславанні на байдарках і каноэ.

Грамадства

Як без рызыкі адпачыць у спёку?

Як без рызыкі адпачыць у спёку?

Вадасховішча Дразды даўно стала ўлюбёным месцам адпачынку тысяч людзей.

Грамадства

Як не стаць ахвярай кіберзлачынцаў

Як не стаць ахвярай кіберзлачынцаў

Расказвае намеснік начальніка ўпраўлення па раскрыцці злачынстваў у сферы высокіх тэхналогій Міністэрства ўнутраных спраў Беларусі Уладзімір Зайцаў.

Грамадства

«Догляд займае не больш за хвіліну». Як правяраюць наведвальнікаў перад уваходам у фан-зону?

«Догляд займае не больш за хвіліну». Як правяраюць наведвальнікаў перад уваходам у фан-зону?

Пералік рэчаў, забароненых да праносу, змешчаны на ўваходзе ў кантрольна-прапускны пункт.