Вы тут

Чаму і Беларусі важна ўдзельнічаць у ахове тыграў і іншых «нянашых» жывёл


У Мінску прайшла каардынацыйная сустрэча прадстаўнікоў адміністрацыйных органаў СІТЭС. Разам з міжнароднымі экспертамі прадстаўнікі кіраўніцкіх і навуковых арганізацый з Беларусі, Таджыкістана, Узбекістана, Арменіі, Кыргызстана, Казахстана, Малдовы і Расіі абмеркавалі пытанні, уключаныя ў парадак 18-й Канферэнцыі бакоў СІТЭС, якая, як плануецца, пройдзе ў маі — чэрвені на Шры-Ланцы.


— Заклапочанасць адносна шкоды, якую гандаль наносіць дзікім жывёлам, пачалі выказваць яшчэ ў 1960-х гадах, — расказала прадстаўнік Міжнароднага фонду аховы жывёл (ІFAW) Марыя Варанцова. — Таму і была створана Канвенцыя аб міжнародным гандлі відамі дзікай фаўны і флоры, што знаходзяцца пад пагрозай знікнення (СІТЭС). Яна стала рэгуляваць гэты працэс з дапамогай унясення відаў жывёл і раслін у розныя дадаткі, забяспечваючы жорсткі кантроль міжнароднага гандлю.

Па словах эксперта, яшчэ 20 гадоў таму нелегальны абарот жывёл складаў 15—20 мільёнаў долараў. Сёння паказчык знаходзіцца на ўзроўні 20 мільярдаў долараў у год, што ставіць гэты бізнес на адну прыступку з гандлем наркотыкамі і нелегальным гандлем зброяй.

Эксперты сцвярджаюць: ідзе шостае масавае выміранне жывёл, скарачаюцца папуляцыі ў дзікай прыродзе і без таго рэдкіх відаў: тыграў засталося каля 4 тысяч, сланоў — 250 тысяч, з 2 млн да 200 тысяч асобін зменшылася колькасць сайгакаў. Нягледзячы на тое, што многія віды, пазначаныя ў спісах СІТЭС, не водзяцца ў Беларусі, абарона іх — важная задача і для нашай краіны. Праз сумеснае прыняцце рашэнняў на Канферэнцыі бакоў можна як узмацніць кантроль над міжнародным гандлем рэдкімі відамі, так і аслабіць яго, што ў выніку пагоршыць стан папуляцый.

Намеснік міністра прыродных рэсурсаў і аховы навакольнага асяроддзя Аляксандр Корбут адзначыў, што Беларусь актыўна ўдзельнічае ў рэалізацыі палажэнняў Канвенцыі. У краіне створана нарматыўна-прававая база, якая дазваляе весці ўлік, кантроль, прафілактыку парушэнняў; забяспечвае выдачу дазволаў на перамяшчэнне ўзораў СІТЭС, а таксама прадугледжвае адказнасць за невыкананне патрабаванняў заканадаўства.

Падчас сустрэчы эксперты гаварылі пра важнасць уключэння некаторых відаў акул і галатурый («марскіх агуркоў») у Дадатак 2 Канвенцыі, пераводу сайгі і некаторых папуляцый афрыканскіх сланоў з Дадатку 2 у Дадатак 1, уключэння жырафаў у Дадатак 3, разгледзелі пытанні барацьбы з кіберзлачыннасцю ў адносінах да дзікай фаўны, ліквідацыі канфіскаваных узораў СІТЭС і інш.

Шмат выступленняў экспертаў датычылася праблемы аховы розных відаў акул. Сёння празмерны вылаў — галоўная пагроза для гэтых санітараў акіяна. Па падліках спецыялістаў, 54 % усіх відаў акул лічацца ўразлівымі ці знаходзяцца на мяжы знішчэння. Пры гэтым па-ранейшаму многія з іх вылоўліваюцца і выкарыстоўваюцца ў якасці прадуктаў харчавання.

Акрамя гэтага, удзельнікі сустрэчы абмеркавалі пытанні, важныя для еўраазіяцкага рэгіёна, у тым ліку і сітуацыю з вугром еўрапейскім у нашай краіне. Беларуская дэлегацыя расказала міжнародным экспертам пра працу над захаваннем папуляцыі гэтай рыбы, а таксама агучыла праблемы, звязаныя з усталяванай забаронай для краіны паставак шклопадобнай лічынкі вугра з краін Еўрапейскага саюза.

Вераніка КОЛАСАВА

Загаловак у газеце: Сланы і акулы... на продаж

Выбар рэдакцыі

Спорт

Марына Літвінчук і Вольга Худзенка сталі чэмпіёнкамі ІІ Еўрапейскіх гульняў

Марына Літвінчук і Вольга Худзенка сталі чэмпіёнкамі ІІ Еўрапейскіх гульняў

Сёння на вяслярным канале ў Заслаўі працягнуліся спаборніцтвы па веславанні на байдарках і каноэ.

Грамадства

Як без рызыкі адпачыць у спёку?

Як без рызыкі адпачыць у спёку?

Вадасховішча Дразды даўно стала ўлюбёным месцам адпачынку тысяч людзей.

Грамадства

Як не стаць ахвярай кіберзлачынцаў

Як не стаць ахвярай кіберзлачынцаў

Расказвае намеснік начальніка ўпраўлення па раскрыцці злачынстваў у сферы высокіх тэхналогій Міністэрства ўнутраных спраў Беларусі Уладзімір Зайцаў.

Грамадства

«Догляд займае не больш за хвіліну». Як правяраюць наведвальнікаў перад уваходам у фан-зону?

«Догляд займае не больш за хвіліну». Як правяраюць наведвальнікаў перад уваходам у фан-зону?

Пералік рэчаў, забароненых да праносу, змешчаны на ўваходзе ў кантрольна-прапускны пункт.