Вы тут

Што змянілася ў Беларусі 1 мая


Павысіцца тарыфная стаўка для бюджэтнікаў

Фота: 5min.by

З 1 мая тарыфная стаўка першага разраду для аплаты працы работнікаў у бюджэтных і прыраўнаваных да іх арганізацыях павышаецца з Br35,5 да Br36,4.

БПМ стане больш

У Беларусі з 1 мая вырасце бюджэт пражытковага мінімуму. Ён павялічыцца на 7,12 рубля і будзе складаць 224,02 рубля.

Будуць павялічаны і дзіцячыя дапамогі

Прапарцыйна росту БПМ зменяцца і памеры некаторых дзіцячых дапамог. Так, аднаразовая дапамога ў сувязі з нараджэннем першага дзіцяці складзе 2240,2 рубля (было 2169 рублёў), а пры нараджэнні другога і наступных дзяцей - 3136,28 рубля (было 3036,6 рубля).

 pixabay.com

Павялічацца мінімальныя працоўныя і сацыяльныя пенсіі

З 1 мая падвысяць мінімальныя працоўныя і сацыяльныя пенсіі, якія прывязаныя да памеру бюджэту пражытачнага мінімуму.

Таксама вырастуць надбаўкі, павышэнні да пенсій і даплаты беларусам 75 гадоў і старэйшым, якія атрымліваюць пенсіі ў органах па працы, занятасці і сацабароне, а таксама дапамогі па догляду інваліда I групы або за асобай, якая дасягнула 80-гадовага ўзросту.

Вырастуць пенсіі па ўзросту

З 1 мая памеры працоўных пенсій павялічацца ў сярэднім на 6,3 %. Сярэдні памер працоўных пенсій складзе 411,5 рубля, сярэдні памер пенсіі па ўзросце - 418,4 рубля.

МТС прапануе мабільную сувязь за 1 рубель у месяц

МТС з 1 мая запускае тарыф «Перамога» для ветэранаў Вялікай Айчыннай вайны. Цяпер яны змогуць карыстацца мабільнай сувяззю за 1 рубель у месяц. Запуск прымеркаваны да 75-годдзя вызвалення Беларусі.

Тарыф уключае безліміт званкоў унутры сеткі. У пакет таксама ўваходзіць 10 хвілін на міжнародныя выклікі і 100 МБ мабільнага інтэрнэту. Патэлефанаваць у іншыя сеткі Беларусі каштуе 3,43 капейкі за хвіліну, адправіць СMС — 3,39 капейкі, а трафік звыш нормы тарыфікуецца па прынцыпе адкрытага інтэрнэту.

Зніжкі на праезд

Традыцыйна пенсіянерам дазволяляць карыстацца электравікамі і дызель-цягнікамі з сезоннай зніжкай 50 %. Яна будзе дзейнічаць да 30 верасня.

 trainpix.org

Падаражэе шэраг марак цыгарэт

Гродзенская тытунёвая фабрыка «Нёман» гатова падвысіць цэны на некаторыя віды цыгарэт. Рост коштаў складзе ў сярэднім 5 капеек.

З цыгарэт «Беларусьгандаль» і «Энерга-ОИЛ» асобныя віды падаражэюць на 5 ці 10 капеек.

Новыя ліміты на зняцце наяўных і платны прагляд балансу банкаўскай карты

Белінвестбанк то ўводзіў, то адмяняў ліміты, але спыніўся на наступным варыянце: з 13 мая ўводзяцца месячныя абмежаванні на зняцце наяўных без камісіі ў тэрміналах самаабслугоўвання.

Максімальная сума для зняцця наяўных без камісіі ў банкаматах банка і партнёраў складзе Br5000 у месяц. Калі картка ў доларах, еўра або расійскіх рублях - $2500, €2500 цi ₽150000 па адной картцы.

Пры перавышэнні будуць спаганяць камісію ў 0,5 % ад сумы (у валюце, у якой адкрыты рахунак, але мінімум 2 беларускія рублі, 3 долары ці еўра, 200 расійскіх рублёў).

Павышаюцца кошты на паслугі Белтэлекама

З 3 мая ў сярэднім на 4 % павышаецца плата за інтэрнэт і пакеты паслуг электрасувязі «Белтэлекама».

Тэлеграфная сувязь, міжнародныя званкі, тэлебачанне, званкі на мабільныя тэлефоны, даведачна-інфармацыйныя і іншыя дадатковыя паслугі даражэюць у сярэднім на 5 %.

Беларуснафта адмяняе скідкі на паліва па праграме лаяльнасці

З 1 мая Беларуснафта замест прадастаўлення скідак на паліва будзе прадастаўляць скідкі на спадарожныя тавары і паслугі па павялічанай шкале - да 5%.

Падаражэе звадкаваны газ у балонах

З пачатку месяца вырасце цана на звадкаваны газ у балонах для насельніцтва. Гэта прадугледжана пастановай Міністэрства антыманапольнага рэгулявання і гандлю ад 18 красавіка № 37.

Фота: pexels.com

Цана на звадкаваны газ для запраўкі газавых балонаў аб'ёмам 1 літр (0,4 кг), 5 літраў (2 кг), 12 літраў (5 кг), 27 літраў (11,4 кг), які рэалізуецца насельніцтву, складзе 1,11 рубля за 1 кг (быў 1 рубель за 1 кг).

Адкрыецца купальны сезон і скароціцца колькасць месцаў для купання

У новым сезоне лік дазволеных месцаў для купання скароціцца. Як паведамілі спецыялісты Асводу, у мінулым годзе такіх месцаў было 456, цяпер будзе яшчэ менш.

Некаторыя вадаёмы зачыняюцца з-за неадпаведнасці сучасным нормам ці таму, што зарастаюць.

У нацыянальным аэрапорце «Мінск» змянілі сістэму дагляду ручной паклажы

З 1 мая там пачала працаваць сістэма аўтаматычнага вяртання латкоў у пунктах дагляду. Усю ручную паклажу варта змяшчаць у латкі, якія будуць ехаць у інтраскоп. Без латка ручная паклажа нікуды не паедзе.

Таксама нікуды не паедзе яна, калі яе габарыты будуць перавышаць 56 × 45 × 25 см, так як дагляд такой паклажы будзе тэхнічна немагчымы. Пасажыра запросяць на стойку рэгістрацыі для афармлення багажу. Гэтыя габарыты ўстаноўлены Міжнароднай асацыяцыяй паветранага транспарту.

Выбар рэдакцыі

Грамадства

Як жывуць апошнія жыхары вёскі Вясневічы

Як жывуць апошнія жыхары вёскі Вясневічы

Галоўная славутасць Вясневічаў, яе жывая гісторыя — 96-гадовы Аляксей Юркевіч.

Культура

Наталля Батракова: Чытачы пішуць, што мае героі нібыта працуюць у суседнім офісе

Наталля Батракова: Чытачы пішуць, што мае героі нібыта працуюць у суседнім офісе

З Наталляй Батраковай мы сустрэліся на адкрыцці абноўленай кнігарні «Светач», што на сталічным праспекце Пераможцаў, 11. 

Калейдаскоп

Вясёлыя гісторыі чытачоў

Вясёлыя гісторыі чытачоў

Чакаем смешных гісторый і ад вас!