Вы тут

Больш як 100 чалавек прайшлі ў фінал конкурсу «Маладыя таленты Беларусі»


Больш як 100 таленавітых дзяцей і падлеткаў прайшлі ў фінал 7-га рэспубліканскага творчага радыёконкурсу «Маладыя таленты Беларусі». Днямі на Першым нацыянальным канале Беларускага радыё падвялі яго вынікі, а ўчора на выстаўцы «СМІ ў Беларусі» ўзнагародзілі пераможцаў.


Па выніках двух тураў жывых праслухоўванняў судзейская калегія аддала Гран-пры ў намінацыі «Эстрадны вакал. Сола» Антону Карчэўскаму. У намінацыі «Інструментальная музыка. Сола» найвышэйшую ўзнагароду атрымаў баяніст Раман Петух, які ўжо заявіў аб сабе на шматлікіх конкурсах. Ганна Пехцерава стала ўладальніцай Гран-пры ў намінацыі «Спадчына. Салісты». Таксама названы найлепшыя ансамблі і абвешчаны ўладальнікі прызавых месцаў у іншых намінацыях у трох узроставых катэгорыях. А ў асобных намінацыях, дзе, як палічылі сябры журы, усе канкурсанты не дацягвалі да пастаўленай творчай планкі, Гран-пры альбо «золата» не прысуджалася.

Музычныя творы ў выкананні пераможцаў і ўладальнікаў спецыяльных прызоў сёлетняга конкурсу можна пачуць на Першым канале Беларускага радыё ў аднайменнай праграме «Маладыя таленты Беларусі», што выходзіць у нядзелі ў 11.20.

Загаловак у газеце: Таленты на фінішы

Выбар рэдакцыі

Грамадства

Прадпрымальнікі запусцілі сацыяльную ініцыятыву, каб сэканоміць сродкі бюджэту, але вымушаны за гэта плаціць

Прадпрымальнікі запусцілі сацыяльную ініцыятыву, каб сэканоміць сродкі бюджэту, але вымушаны за гэта плаціць

На ўпарадкаванне пасля прыклееных паперак выдаткоўваюцца велізарныя сродкі.