Вы тут

АТН рыхтуе да эфіру чарговую серыю тэлепраекта «Беларусь помніць»


Журналісты Агенцтва тэленавін Белтэлерадыёкампаніі рыхтуюць да выпуску ў эфір чарговую серыю тэлепраекта «Беларусь помніць», дзеля якой здымачная група пабывала ў сучасным рэйхстагу і ў Музеі Перамогі ў Маскве, каб стварыць гістарычную рэканструкцыю штурму ў маі 1945-га.


Герой новай серыі — ураджэнец вёскі Новая Мільча пад Гомелем, мінамётчык Віктар Вятошкін, поўны кавалер ордэна Славы, які ў 1944-м, маючы «бронь», добраахвотна пайшоў на фронт, удзельнічаў у вызваленні гарадоў Беларусі, Польшчы, Германіі, а таксама ў штурме рэйхстага, дзе распісаўся на адной з калон. «Мне пашчасціла пры жыцці пагутарыць з Віктарам Дзмітрыевічам і даведацца ад яго шмат новага пра вайну. Памяць аб подзвігу Вятошкіна мы палічылі неабходным увекавечыць, — расказвае прадзюсар АТН Руслан Туркоў. — Складана перадаць словамі пачуцці, калі стаіш каля рэйхстага ў салдацкай форме, якую насіў яшчэ мой дзед. Але па рэакцыі мінакоў было зразумела, што і ў Германіі помняць пра трагедыю вайны...»

Пастановачныя здымкі праходзілі ў Мінску, дзе дачка героя Ала Давідоўская згадвае пра бацьку ў кутку памяці школы № 122, а таксама ў маскоўскім Музеі Перамогі, дзе ёсць інсталяцыя штурму рэйхстага — яе тэлевізійнікі «ажывілі» з дапамогай гістарычных касцюмаў, дым-машыны, сучасных камер 4К і іншага высокатэхналагічнага абсталявання. Прэм'ера новай серыі «Беларусь помніць» адбудзецца 8 мая.

Вікторыя ЗАХАРАВА

Загаловак у газеце: На Берлін! Праз 75 гадоў

Выбар рэдакцыі

Грамадства

АЭС у Астраўцы гатова да імітацыі работы ядзернага рэактара

АЭС у Астраўцы гатова да імітацыі работы ядзернага рэактара

Першы энергаблок Беларускай АЭС гатовы на 95 %, другі — на 70 %. 

Грамадства

У Мінску прайшоў фінал ІV Рэспубліканскага конкурсу «Сям'я года»

У Мінску прайшоў фінал ІV Рэспубліканскага конкурсу «Сям'я года»

Самыя актыўныя і пазітыўныя шматдзетныя сем'і з усіх абласцей краіны сабраліся ў сталічным Палацы культуры прафсаюзаў.

Грамадства

Фітнес-трэнер для матуль у дэкрэце Святлана Немірка распавядае пра сакрэты прафесіі

Фітнес-трэнер для матуль у дэкрэце Святлана Немірка распавядае пра сакрэты прафесіі

Актыўная мама — гэта не толькі трэнд, але і жыццёвая неабходнасць у сучасным свеце.

Грамадства

«Тата вернецца, калі ападуць усе лісцікі». Чаму сямейная падтрымка неацэнная для салдата

«Тата вернецца, калі ападуць усе лісцікі». Чаму сямейная падтрымка неацэнная для салдата

Трывалая сувязь з блізкімі і роднымі вельмі важная для чалавека, які служыць у войску.