Вы тут

Што ў сферы права хвалюе людзей?


Ці ёсць тэрмін дзеяння ў завяшчання? Як прадаць сваю маёмасць у суседнім горадзе, каб не ехаць туды? Колькі каштуе шлюбны дагавор? На гэтыя і іншыя пытанні атрымалі адказы госці выстаўкі «СМІ ў Беларусі», якія прыйшлі на бясплатную кансультацыю з натарыусамі, што сумесна з Беларускай натарыяльнай палатай зладзіла газета «Звязда». На пытанні наведвальнікаў выстаўкі адказвала Надзея ШУПЕНЬКА, натарыус Мінскай абласной натарыяльнай акругі.


Напрыклад, мужчыну гадоў пад 60 цікавіла, у якую кантору звярнуцца яго жонцы, каб скласці завяшчанне на яго карысць. Тое ж самае хоча зрабіць і ён. Такое рашэнне грамадзянін растлумачыў не вельмі добрымі стасункамі з уласнымі дзецьмі.

— Звярнуцца можна ў любое натарыяльнае бюро ці кантору па месцы вашага жыхарства, — параіла натарыус. — Выпадкі, калі сужэнцы складаюць два завяшчанні і адпісваюць нерухомасць адно на аднаго, нярэдкія. Бабулі і дзядулі часта асцерагаюцца ўласных дзяцей. Хоць усё ж часцей маёмасць дзеляць паміж нашчадкамі.

Цяперашнюю мінчанку і былую жыхарку Гродна цікавіла, ці можа яна прадаць гараж на Гродзеншчыне так, каб не ездзіць туды самой. І ці мае сілу завяшчанне, якое засведчана ў Гродне, калі яна цяпер жыве ў сталіцы, ці існуе ў яго тэрмін прыдатнасці.

— Вы можаце выдаць даверанасць на трэцюю асобу, якая ад вашага імя зоймецца продажам гаража ў Гродне. Альбо з'ездзіце туды самі. А завяшчанне будзе дзейсным на тэрыторыі ўсёй Беларусі, калі вы яго не адменіце ці не складзяце новае. І дзейнічаць яно будзе да самай смерці таго, хто яго склаў, — пракаментавала натарыус.

Усе, хто прыходзіў на кансультацыю падчас выстаўкі, засталіся задаволеныя, бо не толькі атрымалі адказы на хвалюючыя пытанні, але і зрабілі гэта бясплатна, а значыць карысна ўдвая.

Ірына СІДАРОК

Загаловак у газеце: Шлюбны дагавор, завяшчанне і займы

Выбар рэдакцыі

Эканоміка

У Мінску прадаецца больш за 10 тысяч кватэр

У Мінску прадаецца больш за 10 тысяч кватэр

На другасным рынку жыллё працягвае таннець (у глабальным плане без перапынкаў) ужо з верасня мінулага года.

Грамадства

Падмануць Альцгеймера. Як захаваць ясны розум да глыбокай старасці?

Падмануць Альцгеймера. Як захаваць ясны розум да глыбокай старасці?

Няўжо гэтую цяжкую хваробу так лёгка абвесці вакол пальца?

Калейдаскоп

Разбіраем модныя мастхэвы надыходзячага сезона: чым папоўніць гардэроб?

Разбіраем модныя мастхэвы надыходзячага сезона: чым папоўніць гардэроб?

Мода вясны — 2021 прапануе некалькі глабальных кірункаў: мінімалізм, унісекс і 1990-я.