Вы тут

Тэатр Генадзя Гладкова «Тэрыторыя мюзікла» парадуе чарговай навінкай


Тэатр Генадзя Гладкова «Тэрыторыя мюзікла» парадуе мінчан і гасцей сталіцы чарговай навінкай — стэндап-мюзіклам «Кішэнны тэатр» паводле п'есы яркага і правакацыйнага, па-свойму дасціпнага французскага драматурга Жана Както. Прэм'ера прызначана на 20 чэрвеня на сцэне Палаца культуры прафсаюзаў.


Както пісаў маналогі «Кішэннага тэатра» для сваіх сяброў Эдзіт Піяф, Ганны Маньяні, Жана Марэ і часта натхняўся прыкладамі з рэальнага жыцця. Маналог «Раўнадушны прыгажун» для Эдзіт Піяф, напрыклад, быў падгледжаны падчас сваркі актрысы з яе мужам... У Палацы культуры прафсаюзаў Піяф, канешне, не будзе — затое будуць акцёры Дзмітрый Якубовіч, Эдуард Вайніловіч, Арцём Пінчук, Ксенія Харашкевіч і Паліна Дабравольская, якія сыграюць галоўныя ролі ў тэатральным эксперыменце.

Дарэчы, амаль 20 гадоў таму «Кішэнны тэатр» ужо выходзіў на рускамоўную сцэну — у пастаноўцы рэжысёра Пятра Штэйна ў «Ленкоме». Але тэатр «Тэрыторыя мюзікла» не паўтарае ранейшы спектакль — пастаноўшчыкі зрабілі новы пераклад з англійскай і перачыталі арыгінал п'есы на французскай мове, выбраўшы з тэксту аўтарскія жарты і сатырычныя прыёмы. Акрамя таго, спалучаючы музычныя нумары і фармат стэндап-выступленняў (комік, мікрафон, гледачы), рэжысёр і акцёры паспрабуюць знесці «чацвёртую сцяну» паміж артыстамі і залай, прыцягнуць публіку да дыялогу.

Вікторыя ЗАХАРАВА

Фота Аляксея МОЛЧАНА

Загаловак у газеце: Кішэні, поўныя сатыры

Выбар рэдакцыі

Эканоміка

Як абараняцца ад рыэлтараў, якія не хочуць працаваць па законе

Як абараняцца ад рыэлтараў, якія не хочуць працаваць па законе

Лiцэнзiя агенцтва «Гатовыя рашэннi» скасавана, «Iмперыi нерухомасцi» — прыпынена, а «Тваёй сталiцы» выпiсана прадпiсанне.

Палітыка

Аляксандр Лукашэнка: Гэта адна з самых складаных выбарчых кампаній

Аляксандр Лукашэнка: Гэта адна з самых складаных выбарчых кампаній

Кіраўнік дзяржавы прагаласаваў на выбарах Прэзідэнта.

Палітыка

У Рэспубліцы Беларусь прайшоў асноўны дзень выбараў Прэзідэнта

У Рэспубліцы Беларусь прайшоў асноўны дзень выбараў Прэзідэнта

Сёлетнія выбары кіраўніка дзяржавы — шостыя па ліку.

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.