Вы тут

Вандроўнае шчасце


Маладая сям'я з Баранавіч Яўген і Аляксандра СЯДЗЕЛЬНІКІ выправіліся ў падарожжа: яны едуць у сонечную Грузію. Гэты здымак зроблены ў Светлагорскім раёне, каля пасёлка Парычы, калі велатурысты былі ў паездцы ўжо чацвёрты дзень, адмахаўшы 267 кіламетраў. Яны мінулі Ляхавічы, Слуцк, Старыя Дарогі, Бабруйск, наперадзе — Светлагорск, Рэчыца, Гомель, дзясяткі гарадоў і сёл Расіі і закаўказскай рэспублікі — некалькі тысяч кіламетраў пад коламі. З імі вандруе іх чатырохногі сябар, які то бяжыць побач, то адпачывае ў спецыяльным вазку.


— У дарозе мы адчуваем сябе камфортна, едзем па дзевяць-дзесяць кіламетраў у гадзіну, часта спыняемся, адпачываем, аглядаем свае ровары, кормім свайго ахоўніка, — кажуць Яўген і Аляксандра ў час нашай размовы на ўскрайку дарогі Р-31. — Мы не першы год разам ходзім у пешыя вандроўкі, ездзім на роварах, аўтастопам дабіраліся ў Грузію. Але першы раз туды — на «колах»!

Калі сцэнарый падарожжа ўдасца здзейсніць без праблем (у дарозе ўсё бывае), турыстычная сям'я марыць дасягнуць чарнаморскага ўзбярэжжа Грузіі праз два месяцы. А каб круціць педалі было лёгка, каб дарога была ў радасць, яны адказна падрыхтаваліся: Яўген сканструяваў каркас вазка, Аляксандра пашыла на яго тэнт, зрабіла надзейныя багажныя сумкі для правіянту. А правіянт у Сядзельнікаў невялікі: намёт, спальнікі, зменны абутак, трохі ежы... Пакуль рыхтаваўся матэрыял, вандроўнікі паспелі апынуцца не толькі за межамі радзімы, але нават і за межамі тэлефоннай сувязі.

Анатоль КЛЯШЧУК, фота аўтара

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.