Вы тут

Прэзідэнт прывёў да прысягі суддзю Канстытуцыйнага Суда


Аляксандр Лукашэнка сёння прывёў да прысягі суддзю Канстытуцыйнага суда Беларусі Алу Бодак. Ён павіншаваў юрыста з заняццем пасады і ўручыў службовае сведчанне і падарункавы экземпляр Канстытуцыі. Прэзідэнт падкрэсліў, што подпіс у акце аб прынясенні прысягі — бадай што самы важны ў жыцці.


«Не кожнаму даецца права і магчымасць быць членам самага вышэйшага суда ў нашай краіне — Канстытуцыйнага. Жадаю творчых поспехаў, бо лічу Канстытуцыйны Суд і творчай лабараторыяй нашых вядучых юрыстаў. Чакаю ад вас канкрэтных прапаноў па ўдасканаленні Канстытуцыі», — адзначыў Аляксандр Лукашэнка.

Прэзідэнт высока ацаніў паслужны спіс Алы Бодак: пачаўшы з самай маленькай пасады, яна працавала намеснікам міністра юстыцыі. Але, лічыць кіраўнік дзяржавы, галоўны вопыт юрыст набыла ў парламенце, дзе была старшынёй Пастаяннай камісіі Савета Рэспублікі Нацыянальнага сходу па заканадаўстве і дзяржаўным будаўніцтве.

На думку Алы Бодак, аднымі з галоўных падыходаў да зменаў у Канстытуцыі з’яўляюцца ўмацаванне суверэнітэту і дзяржаўнасці Беларусі, стварэнне для ўсіх трох галін улады неабходных умоў для далейшага ўдасканалення і вырашэння задач па паступовым ўстойлівым развіцці краіны.

«Канстытуцыя і надалей будзе ставіць у аснову інтарэсы простага чалавека», — выразіла думку суддзя.

На цырымоніі прыняцця прысягі прысутнічалі старшыні Савета Рэспублікі і Палаты прадстаўнікоў Нацыянальнага сходу Беларусі, старшыні Канстытуцыйнага і Вярхоўнага Судоў.

Суддзі Канстытуцыйнага Суда назначаюцца альбо выбіраюццца на пасаду на адзінаццаць гадоў з магчымасцю новага тэрміна. Да прысягі суддзя прыводзіцца аднойчы за перыяд здзяйснення паўнамоцтваў. Суддзёй Канстытуцыйнага Суда Алу Бодак у лютым гэтага года назначыў Прэзідэнт.

Варвара МАРОЗАВА

Фота БЕЛТА

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.