Вы тут

Бібліятэка атрымала новы дакумент “Маладняка”



На хвалі часу, у плыні жыцця

Праект Нацыянальнай бібліятэкі Беларусі, Дзяржаўнага музея гісторыі беларускай літаратуры, Беларускага дзяржаўнага архіва-музея літаратуры і мастацтва, часопіса «Маладосць»



Працягваецца праца над доўгатэрміновым віртуальным праектам “На хвалі часу, у плыні жыцця” (1919–1923), прымеркаваным да 100-годдзя Усебеларускага літаратурнага аб’яднання паэтаў і пісьменнікаў “Маладняк”.
Літаратурная арганізацыя “Маладняк” адыграла вялікую ролю ў развіцці беларускай савецкай літаратуры. Збор усіх дакументаў у адным праекце дазваляе асвяціць яркія старонкі гісторыі аб’яднання і літаратурную дзейнасць пісьменнікаў-маладнякоўцаў. Частка выданняў ужо размешчана на партале і складае больш за 60 дакументаў. Працягваецца вывучэнне дакументальных крыніц літаб’яднання, якія захоўваюцца ў вядучых бібліятэках Мінска. У фондзе Прэзідэнцкай бібліятэкі Рэспублікі Беларусь быў знойдзены цікавы дакумент – “Бюлетэнь 1-га Ўсебеларускага зьезду Маладняка” (1926), у якім можна пазнаёміцца са стэнаграмай з’езда, справаздачамі цэнтральнага бюро і філій аб’яднання, дакладамі яго кіраўнікоў, дзе асэнсоўваецца творчы шлях арганізацыі на працягу першых гадоў яе існавання. Сёння поўнасцю алічбаваны бюлетэнь заняў пачэснае месца сярод матэрыялаў віртуальнага праекта “На хвалі часу, у плыні жыцця”..

Першы Усебеларускі з’езд “Маладняка” адбыўся 25–29 лістапада 1925 г. На той час у склад літаб’яднання ўваходзілі 101 сябра, 89 кандыдатаў і 128 студыйцаў з 12 філій.
Спадзяёмся, што знаёмства з цікавымі фактамі і матэрыяламі з’езда 1925 г. дазволіць лепш зразумець падзеі амаль стогадовай даўніны, будзе спрыяць далейшаму вывучэнню жыцця і творчасці пісьменнікаў-маладнякоўцаў.
Тэлефон для даведак: (8 017) 293 29 69.

КРЫНІЦА: https://nlb.by/by/infarmatsyynyya-resursy/elektronnyya-infarmatsyynyya-resursy/resursy-natsyyanalnay-bibliyateki-belarusi/virtualnyya-praekty-vysta-ki-i-kalektsyi/virtualnyya-praekty-bibliyateki/virtual/na-khvali-chasu-u-plyni-zhytstsya

Выбар рэдакцыі

Спорт

«Людзі думаюць, што ўсёмагутныя і — разбіваюцца»

«Людзі думаюць, што ўсёмагутныя і — разбіваюцца»

Ці так небяспечны парашутны спорт, як здаецца на першы погляд?

Грамадства

Дзе знаходзяць падтрымку бацькі асаблівых малых?

Дзе знаходзяць падтрымку бацькі асаблівых малых?

Стаялі ў калідоры і ўспаміналі першыя крокі ў выхаванні сваіх асаблівых дзетак.

Культура

«Калі чалавецтва зноў паставіць перад сабой высокія пытанні, яно мяне ўспомніць»

«Калі чалавецтва зноў паставіць перад сабой высокія пытанні, яно мяне ўспомніць»

Пагутарылі з дачкой вядомага ўраджэнца Віцебска Лазара Хідэкеля.