Вы тут

Тэхналогія пад наглядам


Супрацоўнікі дзяржкантролю працягваюць праводзіць маніторынг стану спраў на жывёлагадоўчых комплексах краіны.


Пасля візіту Прэзідэнта ў "Купалаўскае" рэвізоры выявілі каля тысячы розных парушэнняў на тэрыторыях фермаў, механізаваных двароў. Сотні кантралёраў па ўсёй краіне не проста рабілі заўвагі, але і аналізавалі, што з'явілася прычынай безгаспадарчага падыходу.

Леанід Анфімаў, старшыня Камітэта дзяржаўнага кантролю Рэспублікі Беларусь, нядаўна браў удзел у двухдзённым маніторынгу дзейнасці сельскагаспадарчых прадпрыемстваў на тэрыторыі Докшыцкага, Глыбоцкага і Пастаўскага раёнаў. Нагадаў старшыням райвыканкамаў і тым, хто ўзначальвае гаспадаркі, што трэба выконваць патрабаванні тэхналагічнай дысцыпліны. І ўвага да гэтай тэмы — працяг шматгадовага маніторынгу, у далейшым пытанне таксама будзе пад кантролем.

У Віцебскай вобласці супрацоўнікі КДК разам з УДФР правялі кантрольныя мерапрыемствы ва ўсіх раёнах. Татальная праверка па пытаннях навядзення парадку на аб'ектах сельскагаспадарчых арганізацый пачалася з канца сакавіка.

У тым ліку ў васьмі раёнах — паўторна па пытаннях ліквідацыі раней выяўленых парушэнняў. Усяго ўстаноўлена 175 фактаў парушэнняў ці недахопаў у вывучаных гаспадарках.

— Па патрабаванні камітэта вобласці да дысцыплінарнай адказнасці прыцягнутыя 64 службовыя асобы. Сярод іх 54 — спецыялісты і кіраўнікі аграрных прадпрыемстваў, восем — кіраўнікі раённага ўзроўню, двое — старшыні райвыканкамаў: Бешанковіцкага і Гарадоцкага.

Да адміністрацыйнай адказнасці прыцягнутыя дзевяць кіраўнікоў сельгасарганізацый. У тым ліку: камітэтам — восем, адзін — Ушацкай раённай інспекцыяй прыродных рэсурсаў і аховы навакольнага асяроддзя (па патрабаванні камітэта), — растлумачыў Мікалай Хацкевіч, начальнік упраўлення кантролю за працай аграпрамысловага і прыродаахоўнага комплексаў.

Па ўсіх выяўленых фактах для прыняцця мер рэагавання камітэтам было аператыўна інфармавана кіраўніцтва Віцебскага аблвыканкама і райвыканкамаў.

Ёсць і прыклады прыцягнення да крымінальнай адказнасці.

УДФР Камітэта дзяржкантролю па Віцебскай вобласці заведзена справа па артыкуле "Бяздзейнасць службовай асобы" Крымінальнага кодэкса ў дачыненні да службовых асоб гаспадаркі "ДраздыАгра" і Бешанковіцкага райвыканкама. Зараз упраўленнем Следчага камітэта праводзяцца неабходныя мерапрыемствы.

— Для прыняцця мер рэагавання па зноў выяўленых парушэннях у дзень іх выяўлення, як і недахопаў праінфармаваныя старшыні Браслаўскага, Віцебскага, Докшыцкага, Лепельскага, Мёрскага, Полацкага, Талачынскага, Шаркаўшчынскага райвыканкамаў.

Рыхтуюцца матэрыялы для правядзення адміністрацыйных працэсаў у дачыненні да пяці вінаватых кіраўнікоў сельскагаспадарчых прадпрыемстваў Аршанскага, Браслаўскага, Шумілінскага, Талачынскага і Ушацкага раёнаў, — працягвае суразмоўнік.

Дарэчы, на сёння ліквідавана больш за 60 % выяўленых Камітэтам дзяржаўнага кантролю парушэнняў.

На некаторых з правераных сельгасарганізацыяй працягваюць выконваць работы па ачыстцы тэрыторый фермаў ад гною і вывазе яго ў палі севаабаротаў. Таксама ўсталёўваюць агароджы жывёлагадоўчых фермаў, займаюцца вывазам і рэалізацыяй дзяржаве металалому. Усё больш актыўна пачынаюць разбіраць і вывозіць рэшткі дэманціраваных будынкаў і збудаванняў.

— Кантроль за ліквідацыяй раней і зноў выяўленых парушэнняў і недахопаў у сельскагаспадарчых арганізацыях усіх 21 раёнаў вобласці камітэтам вобласці працягваецца, — падкрэслілі ў ведамстве.

Аляксандр ПУКШАНСКІ

Выбар рэдакцыі

Грамадства

Гродзенскі заапарк без страт выходзіць з зімоўкі і рыхтуецца да новага сезона

Гродзенскі заапарк без страт выходзіць з зімоўкі і рыхтуецца да новага сезона

Літаральна нядаўна з'явіўся і першы ў гэтым годзе прыплод.

Грамадства

Анёл па імені Алена. Як прадпрымальніца стала сацработнікам

Анёл па імені Алена. Як прадпрымальніца стала сацработнікам

Сацыяльны работнік тэрытарыяльнага цэнтра сацыяльнай абароны насельніцтва Маскоўскага раёна Мінска Алена Сцепаненка працуе на сваім месцы каля двух гадоў.

Эканоміка

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Сідаравічы — невялікі аграгарадок паміж Магілёвам і Быхавам. Менавіта тут знаходзіцца вядомая ў Магілёўскім раёне фермерская гаспадарка Сяргея Куцанава.

Грамадства

Ігар Карпенка: Адукацыя — гарант сацыяльнай стабільнасці ў грамадстве

Ігар Карпенка: Адукацыя — гарант сацыяльнай стабільнасці ў грамадстве

Аб прыярытэтах у адукацыі, вопыце работы ва ўмовах пандэміі каранавіруса і ідэалагічным складніку ў выхаванні мы задалі пытанні міністру адукацыі нашай краіны Ігару Карпенку.