У Кастрычніцкае РУУС г. Мінска паступіла паведамленне ад відавочцы: па вуліцы Кіжаватава невядомы п'яны хлопец пашкодзіў дарожную тэхніку, якая знаходзілася на будаўнічай пляцоўцы каля жылога дома.
Відавочца растлумачыў, што бачыў, як малады чалавек праз незачыненыя дзверы дарожнага катка залез у кабіну кіроўцы і паспрабаваў уключыць святло, дворнікі, завесці машыну. Як высветлілася, гэта яму не ўдалося, бо ключ, які знаходзіўся ў замку запальвання, ён зламаў і схаваў сабе ў кішэню. Пасля няўдалай спробы з'ехаць на катку, хлопец пашкодзіў шкло ў грэдэра, кінуўшы ў яго камень. Па “гарачых слядах” зламыснік быў затрыманы праваахоўнікамі і дастаўлены ў РУУС для далейшага разбіральніцтва.
Па інфармацыі ГУУС Мінгарвыканкама, падчас медыцынскага агляду ў крыві маладога чалавека было выяўлена больш за 2 праміле алкаголю. Затрыманы растлумачыў, што да таго, што адбылося, адпачываў з сябрамі: ужываў спіртныя напоі, затым накіраваўся дадому. Як высветлілася, 26-гадовы жыхар сталіцы працуе настаўнікам матэматыкі ў адной са сталічных школ, раней да крымінальнай адказнасці не прыцягваўся. Падазраваны сваю віну прызнаў, раскаяўся ў зробленым.
Сяргей РАСОЛЬКА
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
