Вы тут

Кабінет міністраў Украіны ўвёў новыя санкцыі адносна Расіі


Кабінет міністраў Украіны ўвёў новыя эканамічныя санкцыі ў дачыненні да Расійскай Федэрацыі. Адпаведнае рашэнне прынята на пасяджэнні ўрада Украіны, піша БЕЛТА.


"Мы ўвядзем эмбарга на тыя тавары, якія сёння ці вырабляем самі, або можам іх замяніць", - паведаміў прэм'ер-міністр Украіны Уладзімір Гройсман.

Згодна з праектам пастановы, да ўвозу будуць забароненыя некаторыя катэгорыі тавараў, такія як прамысловая і сельскагаспадарчая прадукцыя, мінеральныя ўгнаенні, транспартныя сродкі.

Першы віцэ-прэм'ер Украіны Сцяпан Кубів паведаміў, што дадзенае рашэнне накіравана на стварэнне перашкодаў уцечкі капіталу ў Расію, а таксама на падтрымку існуючых і стварэнне новых працоўных месцаў ва Украіне.

Акрамя таго, украінскі бок устанаўлівае спецыяльныя пошліны на тавары, якія будуць увезеныя з тэрыторыі РФ. Яны пачынаюць дзейнічаць з 1 жніўня 2019 года.

Выплачаная пошліна будзе накіравана ў спецыяльны фонд дзяржаўнага бюджэту на мерапрыемствы Мінэканамразвіцця па імпартазамяшчэнню, а да ўступлення ў сілу змяненняў у закон аб бюджэце ў частцы фінансавання міністэрства мытныя плацяжы будуць накіраваныя ў агульны фонд дзяржбюджэту.

Паведамляецца, што ўвядзенне санкцый Украінай стала люстраной мерай у адказ на тое, што Расія 18 красавіка пашырыла пералік санкцый супраць Украіны: з 1 чэрвеня 2019 года пэўныя тавары будуць увозіцца ў Беларусь толькі на падставе асобных дазволаў. У гэтую катэгорыю ўключана прадукцыя паліўна-энергетычнага комплексу, у тым ліку вугаль, нафта і нафтапрадукты.

Выбар рэдакцыі

Спорт

Анастасія Мірончык-Іванова: «Веру ў сябе і ў свае сілы»

Анастасія Мірончык-Іванова: «Веру ў сябе і ў свае сілы»

У спорце ёй двойчы прыходзілася пачынаць усё спачатку.

Грамадства

 Малая гістарычная радзіма — вёска Харобічы на Чарнігаўшчыне. РЭПАРТАЖ

Малая гістарычная радзіма — вёска Харобічы на Чарнігаўшчыне. РЭПАРТАЖ

Нудна больш не будзе. Гэтую і многія іншыя цытаты з савецкага фільма «Вяселле ў Малінаўцы» падчас паездкі ў госці да жоўта

Грамадства

Што трэба, каб пражыць даўжэй?

Што трэба, каб пражыць даўжэй?

Герыятр распавядае пра сакрэты доўгажыхароў і тое, што падаўжае наша жыццё.