Мерапрыемства стане вынікам абласнога конкурсу сярод замяшчальных бацькоў, які праходзіў у цэнтральным рэгіёне з лютага па май бягучага года. Удзел у ім возьмуць каля 180 чалавек: супрацоўнікі ўпраўленняў па адукацыі, спорту і турызму райгарвыканкамаў, дырэктары сацыяльна-педагагічных цэнтраў, педагогі-псіхолагі, прыёмныя бацькі і бацькі-выхавальнікі. У якасці экспертаў перад прысутнымі выступяць супрацоўнікі праваахоўных органаў, аховы здароўя і адукацыі, спецыялісты педагагічнай, крызіснай і спецыяльнай псіхалогіі.
На пленарным пасяджэнні форуму будуць абмеркаваны праблемы сацыяльнага сіроцтва, сямейнага ўладкавання дзяцей-сірот і дзяцей, якія засталіся без апекі бацькоў, разгледжаны міжнародны вопыт работы па праблеме. Вынікам пасяджэння стане прэзентацыя досведу шасці сем'яў, якія сталі фіналістамі абласнога конкурсу замяшчальных бацькоў: кожная з іх прадставіць сваю візітную картку “Мы шчаслівыя разам”.
На дыскусійных і інтэрактыўных пляцоўках удзельнікі змогуць абмяняцца вопытам работы, даведацца пра асаблівасці развіцця дзяцей у замяшчальных сем'ях, пра тое, як захаваць псіхалагічнае здароўе і камфортны мікраклімат у сям'і, а таксама наведаць розныя майстар-класы, пагутарыць з урачамі, педагогамі-псіхолагамі і іншымі спецыялістамі.
У рамках форуму будзе арганізавана выстава дэкаратыўна-прыкладнога мастацтва і “кніг жыцця” выхаванцаў прыёмных сем'яў і дзіцячых дамоў сямейнага тыпу, а матэрыялаў з вопыту работы спецыялістаў, якія аказваюць замяшчальным сем'ям прафесійную дапамогу.
Фестываль-форум замяшчальных сем'яў “Сэрца аддаю дзецям” арганізаваны галоўным ўпраўленнем па адукацыі Мінскага аблвыканкама, Мінскім абласным інстытутам развіцця адукацыі, Міжнароднай грамадскай арганізацыяй "SOS-Дзіцячыя вёскі” і Беларускім дзіцячым фондам.
Надзея НІКАЛАЕВА
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.