Вакарчук кліча ўкраінцаў на сустрэчу. СМІ: Ён прэзентуе сваю партыю

Лідар гурта "Акіян Эльзы" Святаслаў Вакарчук заклікаў украінцаў 16 мая ў 11.00 сабрацца ў Кіеве каля музея гісторыі Украіны.

Пра гэта ён напісаў на сваёй старонцы ў Facebook. "Сябры, прыходзьце заўтра на назіральную пляцоўку каля музея гісторыі Украіны, каб пачуць разам са мной новы голас. 16 мая, 11:00. Назіральная пляцоўка каля Нацыянальнага музея гісторыі Украіны (вул. Уладзімірская, 2, Кіеў)", - анансаваў падзею музыка.

У той жа час, "Украінская праўда" паведамляе, што ў чацвер, 16 мая, Вакарчук абвесціць аб стварэнні партыі "Голас", з якой можа пайсці на парламенцкія выбары.

Раней СМІ ўжо паведамлялі, што лідар гурта "Акіян Эльзы" Святаслаў Вакарчук возьме ўдзел у парламенцкіх выбарах і неўзабаве прадставіць сваю каманду.