Вы тут

Пытанне аб прызначэнні генеральнага сакратара АДКБ будзе вырашацца 22 мая


Пытанне аб прызначэнні генеральнага сакратара Арганізацыі Дамовы аб калектыўнай бяспецы (АДКБ) будзе вырашацца на пасяджэнні Савета міністраў замежных спраў АДКБ 22 мая, паведаміў сёння журналістам выконваючы абавязкі генеральнага сакратара АДКБ Валерый Семерыкоў, інфармуе БЕЛТА.


Валерый Семерыкоў распавёў, што 17 мая будзе праводзіцца пазачарговае пасяджэнне Пастаяннага савета АДКБ, дзе абмяркуюць пытанне аб новым генеральным сакратары арганізацыі. Будуць рыхтавацца прапановы для ўнясення на пасяджэнне СМЗС АДКБ. "І там будзе ўжо прынята адпаведнае рашэнне", - сказаў в.а. генсакратара АДКБ.

Ён дадаў, што кіраўнікі МЗС рэкамендуюць кіраўнікам дзяржаў тую ці іншую службовую асобу. Па словах Валерыя Семерыкова, будзе абмяркоўвацца прызначэнне на пасаду кіраўніка АДКБ прадстаўніка Беларусі, дзяржсакратара Савета бяспекі Станіслава Зася. Ён нагадаў, што да Рэспублікі Беларусь чаргу займаць пасаду генеральнага сакратара пераходзіць 1 студзеня 2020 года. Сёння гэтую пазіцыю павінен замяшчаць прадстаўнік Арменіі, але здарыўся форс-мажор.

"Думаю, 22 мая будзе прынята канчаткова рашэнне па прызначэнні. У нас адна кандыдатура ўнесена на ўзгадненне, і многія прэзідэнты яе ўхвалілі. Мы будзем гэтае пытанне прадметна і канкрэтна абмяркоўваць", - адзначыў в.а. генсакратара АДКБ.

Як паведамлялася, дзяржаўны сакратар Савета бяспекі Беларусі Станіслаў Зась быў прапанаваны на пасаду генеральнага сакратара АДКБ. Беларускую кандыдатуру ўжо ўзгаднілі Кыргызстан, Казахстан, Таджыкістан і Расія. Захоўваюцца толькі складанасці ва ўзаемадзеянні па гэтым пытанні з Арменіяй, якая раней датэрмінова адклікала свайго прадстаўніка Юрыя Хачатурава з адпаведнай пасады, але зноў настойвала на прызначэнні сваёй кандыдатуры.

Выбар рэдакцыі

Грамадства

Як захаваць сэрца i сасуды здаровымi

Як захаваць сэрца i сасуды здаровымi

Адным з самых распаўсюджаных захворванняў у свеце з'яўляецца артэрыяльная гiпертэнзiя.

Грамадства

Валанцёр праекта «Дапамога бяздомным»: Цяпло i падтрымка нават праз ежу перадаюцца

Валанцёр праекта «Дапамога бяздомным»: Цяпло i падтрымка нават праз ежу перадаюцца

Яны кормяць гарачымi абедамi больш за сто чалавек, якiя апынулiся на абочыне жыцця.

Грамадства

Чаму трэба праводзiць цеплавую мадэрнiзацыю?

Чаму трэба праводзiць цеплавую мадэрнiзацыю?

У распараджэннi, падпiсаным на мiнулым тыднi кiраўнiком дзяржавы, ёсць пункт, якi датычыцца капрамонту жыллёвага фонду.

Грамадства

Што рабіць з безнагляднымі жывёламі?

Што рабіць з безнагляднымі жывёламі?

Пасля праходжання юрыдычнай экспертызы на разгляд урада паступiць праект пастановы Савета Мiнiстраў «Аб пытаннях па абыходжаннi з жывёламi».