Вы тут

Бачыць пажары хутка будзе беспілотнік «Буравеснік»


Пра гэта паведаміў выконваючы абавязкі начальніка цэнтра авіяцыйнай аховы лясоў дзяржаўнай авіяцыйнай аварыйна-выратавальнай установы «Авіяцыя» Міністэрства па надзвычайных сітуацыях Ігар Змітрэня.


Пажары ў лясах і на тарфяніках штогод наносяць немалы ўрон дзяржаве. Яны характарызуюцца не толькі значнай матэрыяльнай і экалагічнай шкодай, але і прыцягненнем на іх ліквідацыю вялікай колькасці персаналу і спецыяльнай тэхнікі.

Так, паводле звестак МНС, у 2018 годзе ліквідавана 1965 лясных і тарфяных пажараў на плошчы больш за 1400 гектараў. Пры тушэнні пажараў у экасістэмах было задзейнічана 7970 работнікаў МНС і 2870 адзінак тэхнікі.

Для адшукання такіх пажараў выкарыстоўваюцца розныя віды маніторынгу, у тым ліку касмічны і авіяцыйны. На тэрыторыі краіны дыстанцыйнае зандаванне зямлі праводзіцца з дапамогай касмічных апаратаў розных тыпаў. «Авіяцыйны маніторынг ажыццяўляе наша авіяцыйная аварыйна-выратавальная ўстанова. У асноўным ажыццяўляем патруляванне па запланаваных маршрутах. Выстаўлена 12 паветраных судоў для авіяпатрулявання», — растлумачыў Ігар Змітрэня.

Сёлета спецыялістамі гэтай службы быў выяўлены 21 лясны пажар. З дапамогай дэсантна-пажарнай службы яны патушылі дзевяць лясных пажараў. Буйныя пажары былі на поўдні краіны. Многія пажары прыходзілі з Украіны і Расіі.

Вялікую ролю ў тушэнні заданых пажараў адыгралі паветраныя судны авіяцыі, якія на сённяшні дзень з'яўляюцца самымі эфектыўнымі і аператыўнымі сродкамі ў справе папярэджвання і ліквідацыі надзвычайных сітуацый прыроднага і тэхнагеннага характару.

Супрацьпажарную работу выконвае беспілотнік «Бусел-М» з радыусам дзеяння каля 25 кіламетраў, а хутка ў арсенале арганізацыі ДААВУ «Авіяцыя» з'явіцца новы распрацаваны ў Акадэміі навук Беларусі апарат — «Буравеснік» з радыусам дзеяння 75 кіламетраў. Засталося толькі скончыць яго прыёмачнае выпрабаванне. Распрацоўшчыкі плануюць перадаць яго для практычнага прымянення ратавальнікамі ўжо ў канцы гэтага года.

Сяргей КУРКАЧ

Выбар рэдакцыі

Грамадства

З баршчэўнікам змагаюцца нават з дапамогай квадракоптара

З баршчэўнікам змагаюцца нават з дапамогай квадракоптара

Вопыт Віцебшчыны ў знішчэнні баршчэўніку цікавы таму, што тут больш за 80 працэнтаў зараснікаў ад агульнага па краіне.

Грамадства

Прэтэндэнты на студэнцкі білет здалі тэст па матэматыцы

Прэтэндэнты на студэнцкі білет здалі тэст па матэматыцы

Пазнаць у гарадскім натоўпе абітурыентаў можна без праблем.

Грамадства

Як жывуць апошнія жыхары вёскі Вясневічы

Як жывуць апошнія жыхары вёскі Вясневічы

Галоўная славутасць Вясневічаў, яе жывая гісторыя — 96-гадовы Аляксей Юркевіч.

Культура

Наталля Батракова: Чытачы пішуць, што мае героі нібыта працуюць у суседнім офісе

Наталля Батракова: Чытачы пішуць, што мае героі нібыта працуюць у суседнім офісе

З Наталляй Батраковай мы сустрэліся на адкрыцці абноўленай кнігарні «Светач», што на сталічным праспекце Пераможцаў, 11.