Вы тут

Беларуская мытня атрымала новыя сродкі для пошуку наркотыкаў і выбухоўкі


Арсенал з 49 сродкаў для мытнага кантролю тавараў атрымала сёння айчынная мытня ад урада Кітаю ў якасці тэхніка-эканамічнай дапамогі. Гэтыя сродкі павінны дапамагчы хутчэй праходзіць мытны кантроль і павялічыць якасць працэсу. Выкарыстоўваць новае абсталяванне пачнуць у найбліжэйшы час, і гасцей II Еўрапейскіх гульняў будуць сустракаць ужо з ім, паабяцалі ў транспартна-лагістычным цэнтры “Мінск Белмытнясервіс-2”.


Менавіта тут спадар Янь ДУН, дырэктар цэнтра па міжнароднаму тэхніка-эканамічнаму абмену Міністэрства камерцыі ўручыў Мікалаю СВІРЫДУ, намесніку старшыні Дзяржаўнага мытнага камітэту Беларусі сімвалічны ключ ад тэхнічных сродкаў.

Мабільны інспекцыйна-даглядны комплекс (ІДК), дзевяць сістэм інспекцыі багажу з функцыяй аўтаматычнага вызначэння наркотыкаў і выбухоўкі, 33 перанасныя і шэсць настольных дэтэктараў выяўлення слядоў небяспечных рэчываў. Гэта самая вялікая партыя абсталявання ад кітайскай кампаніі Nuctech, прадукцыя якой выкарыстоўваецца ў 130 краінах свету і добра вядома беларускім мытнікам, што паступіла ў нашу краіну.

Штогод у Беларусі сканіруеца каля 40 тысяч грузавікоў і 150 тысяч чыгуначных вагонаў. З дапамогай новага ІДК можна будзе ажыццяўляць мытны кантроль тавараў без ускрыцця транспарту і пашкоджання ўпакоўкі. Сканіраваць змогуць 20-25 аўто ў гадзіну. А перанасны дэтэктар дазволіць за 8 секунд выявіць сляды наркотыкаў на адзенні ці скуры.

— Асабліва актуальна, што абсталяванне трапіла да нас незадоўга да пачатку II Еўрапейскіх гульняў. Яно дазволіць на міжнародным узроўні прадэманстраваць вынікі паспяховага супрацоўніцтва Беларусі і Кітая, — падкрэсліў Мікалай Свірыд.

Ірына СІДАРОК

Фота Андрэя САЗОНАВА

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.