Вы тут

Тыдзень роднай прыроды правядзе Нацыянальная акадэмія навук


З 22 па 29 мая навуковыя арганізацыі Аддзялення біялагічных навук НАН Беларусі ўпершыню арганізуюць Тыдзень роднай прыроды. Мерапрыемства прысвечана Году малой Радзімы і прымеркавана да святкавання Міжнароднага дня біялагічнай разнастайнасці, які адзначаецца 22 мая.


НПЦ НАН Беларусі па біярэсурсах,  Інстытут эксперыментальнай батанікі, Цэнтральны батанічны сад НАН Беларусі і Інстытут лесу падрыхтавалі цэлы шэраг цікавых мерапрыемстваў.

  • 22 мая ў 11.00 (вул. Акадэмічная, 27) адбудзецца семінар-адкрыццё, прысвечаны Міжнароднаму дню біялагічнай разнастайнасці. У рамках мерапрыемства будуць прэзентаваныя матэрыялы 6-га Нацыянальнага дакладу Канвенцыі аб біялагічнай разнастайнасці, будуць падведзены вынікі конкурсу на сацыяльны слоган і сімвал Тыдня роднай прыроды для дзяцей і моладзі, паказ дакументальнага інфармацыйнага фільма “Кліма-Іст: захаванне і ўстойлівае кіраванне тарфянікамі…”, будзе прапанавана здзейсніць экскурсію ў Цэнтральны батанічны сад па экспазіцыі бэзу і родадэндронаў.
  • 23 мая (вул. Акадэмічная, 27) пройдуць батанічны і заалагічны чацвяргі: будзе  прачытана лекцыя "Ацэнка 25-гадовай дынамікі ляснога покрыва на закінутых сельскагаспадарчых землях прыгранічных раёнаў Расіі і Беларусі па спадарожнікавых дадзеных” і тэматычныя лекцыі вядучых навукоўцаў-заолагаў па праблеме захавання зуброў.

У гэты ж дзень стартуе IX Міжнародны навукова-практычны і навучальны семінар для студэнтаў, магістрантаў, аспірантаў, выкладчыкаў і работнікаў спецыяльнасці "Лясная гаспадарка" ( "Лясная справа») на тэму “Дынаміка, стан і маніторынг лясных экасістэм на асабліва ахоўных прыродных тэрыторыях”. Маленькіх мінчан і гасцей сталіцы парадуе цырымонія перасялення акулёнка па імені Акадэмік, які цяпер знаходзіцца ў адмысловым інкубатары, у мабільны музей-лабараторыю “Адкрыты акіян”.

  • 24 мая ў Цэнтральным батанічным садзе адбудуцца экскурсіі “Прыродная флора ў экспазіцыях і калекцыях Цэнтральнага батанічнага саду” і “Дэкаратыўныя расліны прыроднай флоры Беларусі”. Вядучыя навукоўцы выступяць з лекцыямі-прэзентацыямі “Грыбы ў нашых лясах”, “Лес і клімат”, “Інвазійныя расліны Беларусі: мінулае, сучаснасць і будучыня”.
  • У суботу і нядзелю (25-26 мая) з 10.00 да 18.00 у Цэнтральным батанічным садзе пройдзе гульнявы сямейны фестываль “TOYDAY”. Плануецца, што наведвальнікі змогуць не толькі ўбачыць рэдкія і знікаючыя віды раслін, але і набыць іх ўзоры ў краме саду.
  • 28-29 мая адбудзецца I Міжнародная навукова-практычная канферэнцыя “Веды і палітычныя інавацыі ў галіне аховы навакольнага асяроддзя паміж Захадам і Усходам: вывучаныя і невывучаныя ўрокі”. Арганізатары форуму — НПЦ па біярэсурсах сумесна і  Міністэрства прыродных рэсурсаў і аховы навакольнага асяроддзя.

На працягу Тыдня роднай прыроды вядучыя навукоўцы арганізацый Аддзялення біялагічных навук НАН Беларусі выступяць перад грамадскасцю, у сродках масавай інфармацыі, прымуць удзел у прэзентацыях і святочных мерапрыемствах.

Надзея НІКАЛАЕВА

Выбар рэдакцыі

Грамадства

З баршчэўнікам змагаюцца нават з дапамогай квадракоптара

З баршчэўнікам змагаюцца нават з дапамогай квадракоптара

Вопыт Віцебшчыны ў знішчэнні баршчэўніку цікавы таму, што тут больш за 80 працэнтаў зараснікаў ад агульнага па краіне.

Грамадства

Прэтэндэнты на студэнцкі білет здалі тэст па матэматыцы

Прэтэндэнты на студэнцкі білет здалі тэст па матэматыцы

Пазнаць у гарадскім натоўпе абітурыентаў можна без праблем.

Грамадства

Як жывуць апошнія жыхары вёскі Вясневічы

Як жывуць апошнія жыхары вёскі Вясневічы

Галоўная славутасць Вясневічаў, яе жывая гісторыя — 96-гадовы Аляксей Юркевіч.

Культура

Наталля Батракова: Чытачы пішуць, што мае героі нібыта працуюць у суседнім офісе

Наталля Батракова: Чытачы пішуць, што мае героі нібыта працуюць у суседнім офісе

З Наталляй Батраковай мы сустрэліся на адкрыцці абноўленай кнігарні «Светач», што на сталічным праспекце Пераможцаў, 11.