Вы тут

«Еўрабачанне-2020» пройдзе ў Нідэрландах


Найбуйнейшае ў свеце неспартыўнае тэлешоу — фінал 64-га міжнароднага конкурсу песні «Еўрабачанне» — завяршылася ў ноч з 18 на 19 мая ў Ізраілі. За тытул новага пераможцы і магчымасць правесці конкурс у наступным годзе спаборнічалі выканаўцы з 26 краін.


Паводле галасавання нацыянальных журы найбольшую колькасць балаў атрымаў прадстаўнік Швецыі Джон Лундвік — 239 балаў, крыху меней было ў Паўночнай Македоніі (237) і Нідэрландаў (231). Замыкаў выніковую табліцу а’спявак з Іспаніі (7 балаў). У ЗЕНЫ было 18 балаў і 22 месца.

Зрэшты, для Беларусі сёлетняе «Еўрабачанне» ўсё ж не прайшло без скандалаў: нацыянальнае журы нашай краіны дыскваліфікавалі, а пастаўленыя 5 суддзямі анулявалі... за некалькі гадзін да фіналу шоу. Прычынай стала парушэнне правілаў — удзельнікі журы расказалі ў інтэрв’ю беларускаму інтэрнет-парталу пра свае сімпатыі ў паўфінале. Паводле рэгламенту «Еўрабачання», рабіць гэтага да заканчэння творчага спаборніцтва катэгарыча нельга — і падобнае абмежаванне дзейнічае ўжо не першы год. Так што ў фінале конкурсу Еўрапейскі вяшчальны саюз замест балаў беларускага журы выкарыстаў cярэднія велічыні (як паведамілі арганізатары, гэтыя лічбы, так званы «рэзервовы кошык» для форс-мажорных сітуацый, былі сфарміраваны на падставе сярэдніх ацэнак Расіі, Грузіі, Арменіі і Азербайджана). А вось на галасаванні гледачоў гэты інцыдэнт ніяк не адбіўся.

І менавіта ацэнкі тэлегледачоў з 41 краіны-удзельніцы сёлетняга шоу на 50% вызначылі канчатковыя вынікі. Тым больш, ацэнкі публікі пачыналі абвяшчаць... з канца табліцы журы. Беларусь атрымала 13 балаў і заняла 25-е, перадапошняе месца. Найбольшую колькасць балаў гледачоў — 291 — атрымала Нарвегія, аднак перамогі гэты вынік не прынёс. Па суме балаў, абвешчаных а 2-й гадзіне ночы, трыумфатарам стаў... Дункан Лоўрэнс з Нідэрландаў (261 бал гледачоў). Словам, як і прадракалі букмекеру. Другую прыступку п’едэсталу з разрывам амаль у 30 балаў заняў Махмуд з Італіі. 

...Акрамя таго, напярэдадні фіналу былі ўручаны тры прэміі імя заснавальніка шоу «Еўрабачанне» Марселя Безенсона — прэмію прэсы (па большасці галасоў акрэдытаваных СМІ) атрымаў прадстаўнік Нідэрландаў Дункан Лоўрэнс, узнагароду за артыстычнасць (паводле галасавання каментатараў) уручылі Кейт Мілер-Хайдке з Аўстраліі, а прэмію кампазітараў (яе прысуджаюць, уласна, па меркаванні кампазітараў—членаў нацыянальных журы) прадзюсары ЕВС перадалі аўтарам конкурснай песні Махмуда з Італіі, Дардусту і Чарлі Чарльзу.

Вікторыя ЦЕЛЯШУК

Фота: eurovision.tv

Выбар рэдакцыі

Грамадства

З баршчэўнікам змагаюцца нават з дапамогай квадракоптара

З баршчэўнікам змагаюцца нават з дапамогай квадракоптара

Вопыт Віцебшчыны ў знішчэнні баршчэўніку цікавы таму, што тут больш за 80 працэнтаў зараснікаў ад агульнага па краіне.

Грамадства

Прэтэндэнты на студэнцкі білет здалі тэст па матэматыцы

Прэтэндэнты на студэнцкі білет здалі тэст па матэматыцы

Пазнаць у гарадскім натоўпе абітурыентаў можна без праблем.

Грамадства

Як жывуць апошнія жыхары вёскі Вясневічы

Як жывуць апошнія жыхары вёскі Вясневічы

Галоўная славутасць Вясневічаў, яе жывая гісторыя — 96-гадовы Аляксей Юркевіч.

Культура

Наталля Батракова: Чытачы пішуць, што мае героі нібыта працуюць у суседнім офісе

Наталля Батракова: Чытачы пішуць, што мае героі нібыта працуюць у суседнім офісе

З Наталляй Батраковай мы сустрэліся на адкрыцці абноўленай кнігарні «Светач», што на сталічным праспекце Пераможцаў, 11.