Вы тут

СК аб смерці інспектара ДАІ: асноўная версія — суіцыд


Увечары 16 мая краіну скалыхнула вестка аб жудасным злачынстве. У лесе ў Магілёўскім раёне было знойдзена цела забітага 22-гадовага інспектара ДАІ Яўгена Патаповіча. З’явілася інфармацыя пра тое, што незадоўга да гібелі лейтэнант адправіўся на расследаванне дарожна-транспартнага злачынства. Неўзабаве з яго нумара паступіла паведамленне на Viber пра аўтамабіль маркі «Волга» з расійскімі нумарамі. 


Афіцэра пахавалі ў суботу. Але дагэтуль у гэтай справе, ход расследавання якой кантралюе асабіста кіраўнік Следчага камітэта, засталося шмат нявысветленых пытанняў. Сёння над імі крыху прыўзнялі заслону. 

— Вялікую складанасць у разуменні таго, што адбылося, стваралі інфармацыйныя ўкіды, якія суправаджалі гэтую сітуацыю на працягу першапачатковых следчых дзеянняў. Гэта шмат каго ўводзіла ў зман, — паведаміла афіцыйны прадстаўнік Следчага камітэта Беларусі Юлія Ганчарова. 

— Адпрацоўваліся розныя версіі здарэння, — расказаў начальнік галоўнага следчага ўпраўлення Следчага камітэта Яўген Архірэеў. — Правяраліся абставіны службовай дзейнасці супрацоўніка міліцыі, яго асабістае жыццё, апошнія стасункі. Інфармацыя аб магчымым выкраданні афіцэра з выкарыстаннем чорнай «Волгі» не пацвердзілася.

Намеснік начальніка Галоўнага ўпраўлення крымінальнага вышуку Міністэрства ўнутраных спраў Максім Свірыд зазначыў, што на запісах камер вонкавага відэаназірання, устаноўленых на вуліцах Першамайскай і Крупскай у Магілёве, з 18 да 21 гадзін 16 мая ніякай чорнай «Волгі» не было. 

— Аналіз сабранай інфармацыі дазваляе казаць, што асноўная версія таго, што здарылася, — суіцыд, — сказаў Яўген Архірэеў. — Следства высветліла ўсе дзеянні Яўгена Патаповіча ў дзень яго гібелі да 18 гадзін, калі ён дабраўся на спадарожным аўтамабілі да чыгуначнага пераезду ў раёне вуліц Першамайскай і Вакзальнай. Трэба сказаць, што ён самастойна прыняў рашэнне паехаць у гэтае месца, праігнараваўшы ўказанне аператыўнага дзяжурнага адправіцца на афармленне ДТЗ, якое здарылася на Арлоўскім завулку.

Падчас агляду месца злачынства быў знойдзены пісталет афіцэра, два магазіны, яго асабістыя рэчы. Таксама ў гэты спіс трапілі... тры пакункі дроў, вадкасць для распалу, дакументы і іншыя асабістыя рэчы. 

Па дадзеных следства, іх Яўген Патаповіч набыў каля 11 гадзін у адной з гандлёвых кропак абласнога цэнтра. 

Кадры з камер, устаноўленых у краме, былі прадэманстраваны журналістам. 

— На целе загінулага няма ніякіх пашкоджанняў, акрамя кулявога ранення, — працягнуў Яўген Архірэеў. — Рукі міліцыянера знаходзіліся ў становішчы, з якога можна было зрабіць стрэл. Сляды крыві знойдзены на правай руцэ нябожчыка. 

У сваю чаргу, Максім Свірыд спыніўся на дэталізацыі дадзеных з тэлефона загінулага інспектара. 16 мая з 11 да 13 гадзін ён быў на месцы, дзе пазней было знойдзена цела. Супрацоўнікі ўпраўлення па раскрыцці злачынстваў у сферы высокіх тэхналогій вывучылі ноўтбук Яўгена Патаповіча. Аказалася, што 1 красавіка ён падрыхтаваў і накіраваў шэраг паведамленняў з тэкстам суіцыдальнай скіраванасці. Акрамя таго, следства мае дадзеныя пра тое, што афіцэр меў намер забіць сябе ў красавіку. 

Зараз аператыўнікі шукаюць кіроўцу аўтамабіля, які мог давезці увечары 16 мая Яўгена Патаповіча фактычна да месца здарэння. 

Расследаванне справы працягваецца. 

Валяр'ян ШКЛЕННІК

Выбар рэдакцыі

Грамадства

З баршчэўнікам змагаюцца нават з дапамогай квадракоптара

З баршчэўнікам змагаюцца нават з дапамогай квадракоптара

Вопыт Віцебшчыны ў знішчэнні баршчэўніку цікавы таму, што тут больш за 80 працэнтаў зараснікаў ад агульнага па краіне.

Грамадства

Прэтэндэнты на студэнцкі білет здалі тэст па матэматыцы

Прэтэндэнты на студэнцкі білет здалі тэст па матэматыцы

Пазнаць у гарадскім натоўпе абітурыентаў можна без праблем.

Грамадства

Як жывуць апошнія жыхары вёскі Вясневічы

Як жывуць апошнія жыхары вёскі Вясневічы

Галоўная славутасць Вясневічаў, яе жывая гісторыя — 96-гадовы Аляксей Юркевіч.

Культура

Наталля Батракова: Чытачы пішуць, што мае героі нібыта працуюць у суседнім офісе

Наталля Батракова: Чытачы пішуць, што мае героі нібыта працуюць у суседнім офісе

З Наталляй Батраковай мы сустрэліся на адкрыцці абноўленай кнігарні «Светач», што на сталічным праспекце Пераможцаў, 11.