Вы тут

Выкарыстанне беспілотнікаў забаронена на час II Еўрапейскіх гульняў


Выкарыстанне беспілотнікаў у месцах спаборніцтваў і каля гасцініц забаронена на час II Еўрапейскіх гульняў, паведамляецца на Нацыянальным прававым інтэрнэт-партале Беларусі. 


Аляксандр Лукашэнка 20 мая падпісаў указ № 191 «Аб мерах бяспекі ў перыяд правядзення II Еўрапейскіх гульняў 2019 года». Згодна з дакументам, у Мінску і Мінскім раёне з 17 чэрвеня па 2 ліпеня ўводзяцца дадатковыя меры бяспекі. 

Указам забараняецца  выкарыстоўваць беспілотныя лятальныя апараты і авіямадэлі на спартыўных аб’ектах і ў іншых месцах спаборніцтваў. Забаронена выкарыстоўваць беспілотнікі каля гасцініц і іншых месцах размяшчэння гасцей і ўдзельнікаў II Еўрапейскіх гульняў, у фан-зонах. Выключэнне зроблена толькі для дронаў, якія належаць дзяржорганам і выкарыстоўваюцца ў мэтах, звязаных з правядзеннем II Еўрапейскіх гульняў. 

«Будуць уведзены і часовыя абмежаванні руху транспартных сродкаў у Мінску пры неабходнасці. Таксама будуць вылучацца спецыяльныя паласы руху — канструктыўна або шляхам нанясення сімволікі Еўрапейскіх гульняў. Яны будуць выкарыстоўвацца для прыпынку, стаянкі, руху транспарту, задзейнічанага ў забеспячэнні правядзення спаборніцтваў», — гаворыцца ў паведамленні на Нацыянальным прававым інтэрнэт-партале. 

Службовым асобам органаў дзяржаўнага пажарнага нагляду і Дзяржпрамнагляду прадастаўляецца права ў выключных выпадках, звязаных з надзвычайнымі абставінамі, праводзіць пазапланавыя праверкі і маніторынгі на спартыўных аб’ектах, у месцах размяшчэння ўдзельнікаў Еўрапейскіх гульняў і ў фан-зонах. Гэтыя наглядныя мерапрыемствы праводзяцца па рашэнні міністра па надзвычайных сітуацыях. 

Работнікам аховы гасцініц і аналагічных сродкаў размяшчэння, прызначаных для знаходжання удзельнікаў Еўрапейскіх гульняў, дазваляецца праводзіць асабісты дагляд, дагляд рэчаў і дакументаў, транспарту. Рэалізацыя дакумента паспрыяе бяспечнаму правядзенню ў Беларусі II Еўрапейскіх гульняў. Указ уступае ў сілу пасля афіцыйнага апублікавання. 

Выбар рэдакцыі

Грамадства

Міністр аховы здароўя расказаў пра стан медыцыны ў краіне

Міністр аховы здароўя расказаў пра стан медыцыны ў краіне

У 2019 годзе медыцынскую дапамогу ў Беларусі аказвалі на належным узроўні.

Эканоміка

Ці можна гандляваць у падземных пераходах?

Ці можна гандляваць у падземных пераходах?

Быў час, калі людзі, якія гандлявалі ў пераходах, «ставілі» на выхадзе з перахода чалавека, які папярэджваў аб набліжэнні міліцыянераў.

Грамадства

У чым сутнасць вішынгу — аднаго з відаў махлярства

У чым сутнасць вішынгу — аднаго з відаў махлярства

З выкарыстаннем сацыяльнай інжынерыі. 

Культура

Дзяніс Раманюк: Я раблю этнаграфію «дваццаць пятым» кадрам

Дзяніс Раманюк: Я раблю этнаграфію «дваццаць пятым» кадрам

Пышныя альбомы, выдадзеныя Дзянісам Раманюком, з задавальненнем трымаюць у хатніх бібліятэках як беларусы, бо адчуваюць гонар за краіну, так і замежнікі, бо невядомую культуру даследуюць праз высакакласны кніжны твор.