Вы тут

Супрацоўнікі Чырвонага Крыжа знайшлі ордэн Айчыннай вайны ІІ ступені


Супрацоўнікі Чырвонага Крыжа знайшлі ордэн Айчыннай вайны ІІ ступені ў рэчах гуманітарнай дапамогі.


Анд­рэй Баг­да­наў  спа­чат­ку знай­шоў уз­на­га­ро­ду ве­тэ­ра­на, а ця­пер шу­кае сва­я­коў удзель­ні­ка Вя­лі­кай Ай­чын­най вай­ны.

У лістападзе на сталічных вуліцах з'явіліся кантэйнеры, у якія можна здаць непатрэбнае адзенне. Рэчы, якія сюды трапляюць, Беларускае таварыства Чырвонага Крыжа сартуе і перадае тым, хто мае ў іх патрэбу. Аднак у красавіку ў рукі супрацоўнікам арганізацыі трапіла рэч, якую наўрад ці нехта асмеліцца прымераць, — ордэн Айчыннай вайны ІІ ступені.

— Дагэтуль знаходзілі ў адзенні рознае. Народ перад тым, як несці рэчы ў кантэйнер, не заўсёды іх пераглядвае. Вось і трапляюць да нас старыя кашалькі, правы кіроўцы і нават банкаўскія карткі. Праўда, усё адзенне ў самым пачатку пасля сартавання адпраўляецца на дэзынфекцыю. Яго адпарваюць пад тэмпературай 300 градусаў. Ад паперы і пластыку пасля такога ўздзеяння нічога не застаецца. Таму не варта забываць асабістыя рэчы ў кішэнях, — расказвае Андрэй БАГДАНАЎ, галоўны спецыяліст Мінскай гарадской арганізацыі Чырвонага Крыжа. — Ордэн мы знайшлі не ў самім адзенні, а ў скрыні, дзе яно было. Як ён туды трапіў — таямніца. Хутчэй за ўсё, нехта паклаў разам з рэчамі, а ён выкаціўся. Цікава, што на адваротным баку ордэна шмат сажы, быццам ён пабываў на пажары.

Паколькі ўзнагарода нумарная, супрацоўнікі Чырвонага Крыжа ўзяліся за пошукі ўладальніка. Спачатку дасылалі запыты ў беларускія архівы, пасля ў Цэнтральны архіў Міністэрства абароны Расійскай Федэрацыі, дзе захоўваецца інфармацыя савецкіх часоў.

— Аказалася, што належаў ордэн Іосіфу Ільічу Меляшчэню 1922 года нараджэння. Ён нарадзіўся і жыў у вёсцы Знаменка Жыткавіцкага раёна. Запыт на пошук сваякоў мы адправілі ў МУС. Працэдура не хуткая, таму пакуль чакаем адказ, — падзяліўся спецыяліст Чырвонага Крыжа па пошукавай дзейнасці Ідаэль Герэра. — Увогуле, наша арганізацыя даволі актыўна працуе ў сферы пошукаў загінулых падчас Вялікай Айчынай вайны. Пачынаючы з 1995 года да нас паступіла каля 30 тысяч запытаў на пошукі, прыкладна палова спраў была закрыта з паспяховым вынікам.

Пакуль праваахоўныя органы займаюцца пошукамі сваякоў уладальніка ордэна, Андрэй Багданаў правёў сваё невялічкае «расследаванне».

— Патэлефанаваў знаёмым з Жыткавіцкага раёна. Высветлілася, што ў Знаменцы большая частка жыхароў з прозвішчам Меляшчэня. Аднак знайшліся людзі, якія памятаюць Іосіфа Ільіча і ведаюць, дзе ён пахаваны. Кажуць, што сын яго даўно з'ехаў жыць у Мінскую вобласць, але і яму зараз павінна быць за 70. Таму спадзяёмся, што ў хуткім часе ўдасца выйсці на ўнукаў і разабрацца ў сітуацыі.

Ганна КУРАК, фота аўтара

Загаловак у газеце: Знаходка з асабістым нумарам

Выбар рэдакцыі

Грамадства

Мінчанка трымае ў аднапакаёвай кватэры жывога пітона

Мінчанка трымае ў аднапакаёвай кватэры жывога пітона

У Машы Афанасій жыве каля года. Такі незвычайны падарунак ёй зрабіў сябар.

Грамадства

Удзельнікі праекта «Настаўнік для Беларусі» стануць «свежым ветрам» у педкалектыве

Удзельнікі праекта «Настаўнік для Беларусі» стануць «свежым ветрам» у педкалектыве

1 верасня ў беларускія школы ў невялікіх населеных пунктах прыйдуць 12 крэатыўных і неабыякавых педагогаў, якія павінны ўдыхнуць у іх новае жыццё.

Эканоміка

Зменіцца парадак прыняцця рашэнняў у сумесных домаўладаннях

Зменіцца парадак прыняцця рашэнняў у сумесных домаўладаннях

Гэта прадугледжана новай рэдакцыяй Жыллёвага кодэкса, якая была прынята сёлета ў пачатку мая, а ўступіць у сілу з 1 студзеня наступнага года.