Вы тут

У Маладзечанскім раёне з 24 па 26 мая пройдзе СКМ “Правапарадак”


У мэтах папярэджання і спынення злачынстваў і адміністрацыйных правапарушэнняў у грамадскіх месцах з 24 па 26 мая супрацоўнікі Маладзечанскага РАУС правядуць на тэрыторыі раёна асноўны этап спецыяльнага комплекснага мерапрыемства “Правапарадак”.


Падчас яго вартавыя правапарадку пяройдуць на ўзмоцнены варыянт нясення службы. Будуць выстаўлены дадатковыя нарады з ліку супрацоўнікаў усіх падраздзяленняў раённага аддзела. Акрамя таго, да “Правапарадку” прыцягнуць супрацоўнікаў Маладзечанскага аддзела Дэпартамента аховы і Маладзечанскага гаррайаддзела па надзвычайных сітуацыях. Для адпрацоўкі грамадскіх месцаў і правядзення прафілактычных мерапрыемстваў будуць задзейнічаны члены добраахвотных дружын гарадскіх прадпрыемстваў і арганізацый, а таксама байцы маладзёжнага атрада аховы правапарадку БРСМ.

Адна з галоўных мэтаў комплекснага мерапрыемства — стабілізаваць аператыўную абстаноўку на тэрыторыі горада і ў населеных пунктах раёна. Асаблівая ўвага будзе нададзена месцам масавага адпачынку грамадзян, піцейным установам.

Па інфармацыі Маладзечанскага РАУС, за чатыры месяцы на тэрыторыі раёна назіраецца рост колькасці злачынстваў, учыненых у грамадскіх месцах. Было зарэгістравана 62 крадзяжы маёмасці, 36 хуліганстваў. У той жа час не былі дапушчаныя разбоі, знізілася колькасць згонаў аўтатранспарту. Найбольш крымінагенныя мікрараёны горада — Цэнтральны і Заводскі.

Сяргей РАСОЛЬКА

Выбар рэдакцыі

Спорт

Як жыве адзіная школа коннага спорту ў Мінскай вобласці

Як жыве адзіная школа коннага спорту ў Мінскай вобласці

Да свайго юбілею школа атрымала выдатны падарунак — капітальны рамонт.

Грамадства

Што трэба рабіць, каб перамагчы свае страхі

Што трэба рабіць, каб перамагчы свае страхі

Наяўнасць страху — з'ява натуральная. Але...

Палітыка

Лукашэнка: Космас — лакмусавая папера, якая дапамагае ацаніць магчымасці і здольнасці дзяржавы

Лукашэнка: Космас — лакмусавая папера, якая дапамагае ацаніць магчымасці і здольнасці дзяржавы

Прэзідэнт Беларусі і дырэктар карпарацыі «Раскосмас» абмяркавалі сумесныя беларуска-расійскія праекты ў касмічнай сферы

Культура

Кастусь Качан: Калі б не стаў мастаком, гэта было б не жыццё, а пакуты

Кастусь Качан: Калі б не стаў мастаком, гэта было б не жыццё, а пакуты

Ён рыхтуецца прадставіць выстаўку ў Нацыянальным мастацкім музеі Беларусі.