Вы тут

Арганізатары «Еўрабачання» перагледзелі вынікі конкурсу


«Еўрабачанне-2019» у Ізраілі ўжо тыдзень як завяршылася, а скандалы вакол яго не сціхаюць.


То Мадонна замяніла ў відэазапісе свайго выступлення гук на фанаграму, а то днямі Еўрапейскі вяшчальны саюз зрабіў сенсацыйную аб'яву: у фінале з-за чалавечай памылкі былі выкарыстаны няправільныя лічбы ў абвяшчэнні балаў журы. «Каб паважаць як артыстаў, так і членаў ЕВС, якія ўдзельнічалі ў шоу, мы хочам скарэкціраваць канчатковыя вынікі ў адпаведнасці з правіламі», — паведамілі арганізатары. Гэта не змяніла пераможцу шоу і топ-4, а вось Беларусь узнялася ў табліцы на радок вышэй.

Калі перайсці да канкрэтыкі, то гаворка ідзе якраз пра тыя «сукупныя лічбы», якімі замянілі балы дыскваліфікаванага беларускага журы. Пры стандартным маніторынгу галасавання кампанія-партнёр выявіла «недастачу». Цяпер на сайце еurovіsіon.tv змешчаны папраўленыя балы, а Еўрапейскі вяшчальны саюз паабяцаў перагледзець існуючыя працэсы галасавання і схемы кантролю, каб не дапусціць падобнага ў будучыні.

Дункан Лоўрэнс з Нідэрландаў застаўся пераможцам — ужо з 498, а не 492 баламі. Не змянілі сваіх пазіцый Італія і Расія (472 і 370 балаў — +7 і +1 адпаведна). А вось Нарвегія і Швецыя, якія размяшчаліся на 5-м і 6-м радках, памяняліся месцамі. У Беларусі па-ранейшаму 31 бал, але наша краіна на 24-м месцы — вышэй за Германію і Вялікабрытанію.

Перападлік галасоў выклікаў самую розную рэакцыю ўдзельнікаў песеннага конкурсу. Расійскі спявак Сяргей Лазараў, напрыклад, назваў гэта маніпуляцыямі з галасаваннем журы, якія «даволі-такі паднадакучылі». Сапраўды, атрымалася як у тым анекдоце: лыжачкі знайшліся, але асадак застаўся...

Вікторыя ЦЕЛЯШУК

Выбар рэдакцыі

Грамадства

З баршчэўнікам змагаюцца нават з дапамогай квадракоптара

З баршчэўнікам змагаюцца нават з дапамогай квадракоптара

Вопыт Віцебшчыны ў знішчэнні баршчэўніку цікавы таму, што тут больш за 80 працэнтаў зараснікаў ад агульнага па краіне.

Грамадства

Прэтэндэнты на студэнцкі білет здалі тэст па матэматыцы

Прэтэндэнты на студэнцкі білет здалі тэст па матэматыцы

Пазнаць у гарадскім натоўпе абітурыентаў можна без праблем.

Грамадства

Як жывуць апошнія жыхары вёскі Вясневічы

Як жывуць апошнія жыхары вёскі Вясневічы

Галоўная славутасць Вясневічаў, яе жывая гісторыя — 96-гадовы Аляксей Юркевіч.

Культура

Наталля Батракова: Чытачы пішуць, што мае героі нібыта працуюць у суседнім офісе

Наталля Батракова: Чытачы пішуць, што мае героі нібыта працуюць у суседнім офісе

З Наталляй Батраковай мы сустрэліся на адкрыцці абноўленай кнігарні «Светач», што на сталічным праспекце Пераможцаў, 11.