05 снежня, субота

Вы тут

Мінскія пляжы гатовыя да сезону


Камісія Мінгарвыканкама аб'ехала зоны масавага адпачынку каля вадаёмаў і ацаніла іх гатоўнасць да сезону, перадае БЕЛТА.


У складзе камісіі - адказныя кіраўнікі Мінгарвыканкама, гарадскога камітэта прыродных рэсурсаў і аховы навакольнага асяроддзя, галоўны дзяржаўны санітарны ўрач Мінска, намеснікі кіраўнікоў адміністрацый раёнаў, на тэрыторыі якіх размешчаны зоны адпачынку, прадстаўнікі Асвода і МНС, "Мінскзеленбуда" і Мінскай лесапаркавай гаспадаркі.

Пасля паўдня яны наведалі 13 пляжаў ля вадасховішчаў Цнянскае, Дразды, Заслаўскае, Крыніца. Усяго ў сталіцы ў пяці зонах рэкрэацыі налічваецца 21 пляж: на вадасховішчы Крыніца размешчаны два пляжы, Дразды - пяць пляжаў, Заслаўскім - восем, Цнянскім - пяць, Камсамольскім возеры - адзін. Усе, акрамя апошняга, (агульнай плошчай 96 га) знаходзяцца ў падпарадкаванні Мінскай лесапаркавай гаспадаркі. Па словах яго дырэктара Паўла Багданчыка, усе 20 пляжаў ужо маюць пашпарты гатоўнасці: праца па іх добраўпарадкаванні, абнаўленні абсталявання, рамонце пад'язных дарог і стаянак вялася з восені мінулага года.

"Усталёўваліся дадаткова навесы, грыбкі, парасоны, альтанкі, 68 новых еўракантэйнераў для смецця. Паглядзелі, што ў мінулым годзе карысталіся попытам лежакі, таму да сезону купілі і паставілі яшчэ 70. Большасць усталявалі на Цнянцы і Драздах. І галоўнае новаўвядзенне з'явілася на Цнянскім вадасховішчы - тры тэнісныя сталы. У хуткім часе побач з'явіцца пункт пракату, дзе можна будзе ўзяць ракеткі, мячык. А пакуль людзі выкарыстоўваюць сваё абсталяванне - навінка прыйшлася па душы адпачывальнікам. Калі і далей будзе карыстацца попытам, разгледзім пытанне ўстаноўкі і на іншых пляжах", - распавёў Павал Багданчык. Акрамя таго, з 1 чэрвеня каля пірса на пляжы №2 Цнянкі з'явіцца яшчэ адзін пункт пракату катамаранаў на сонечных батарэях. У жніўні пляж №9 на Мінскім моры стане інклюзіўным - уладкаваным для людзей з абмежаванымі магчымасцямі.

На ўсе пляжы падвязлі новы пясок - у агульнай складанасці 2,4 тыс. куб.м. Для абслугоўвання выкарыстоўваецца пляжапрыбіральная машына (праўда, толькі ў сухое надвор'е), якая па чарзе задзейнічаюцца на ўсіх вадасховішчах. Скошана трава (і ў сезон двойчы ў месяц працы паўтараюць), падстрыжаныя кусты, выдалены сухастой. Толькі чарот ў вадзе ля берагоў прыбраць нельга - забаронена законам. І да гэтага часу не дастаткова прапрацавана пытанне ачысткі дна. Гэтым займаецца "Водаканал", у якога не хапае вадалазаў, каб старанна і своечасова выдаліць смецце і небяспечныя прадметы. Як распавёў начальнік выратавальнай станцыі пляжу №2 Цнянскага вадасховішча Георгій Шаброўскі, на мінулым тыдні было два парэзы ў адпачывальнікаў. У цэлым жа пакуль без здарэнняў, хоць ужо даводзіцца заклікаць да парадку рызыковых аматараў заплываць за буйкі.

Выбар рэдакцыі

Грамадства

Мiтрапалiт Веньямiн: Нам усiм неабходна прасiць у Бога мудрасцi i разважлiвасцi

Мiтрапалiт Веньямiн: Нам усiм неабходна прасiць у Бога мудрасцi i разважлiвасцi

Патрыяршы экзарх падзялiўся сваiмi думкамi пра асаблiвасцi i сапраўдную небяспеку сённяшняга часу.

Грамадства

Міністр ЖКГ Андрэй Хмель: Спажыўца паслугі трэба пачуць і зразумець

Міністр ЖКГ Андрэй Хмель: Спажыўца паслугі трэба пачуць і зразумець

Аб за­крыц­ці па­лі­го­наў, уплы­ве ка­ра­на­ві­ру­са, за­клі­ках да не­пла­ця­жу за ка­му­наль­ныя па­слу­гі і най­блі­жэй­шых перс­пек­ты­вах.

Грамадства

Ежа як лякарства. Што з'есці, каб стаць здаравейшым?

Ежа як лякарства. Што з'есці, каб стаць здаравейшым?

Мы вырашылі распытаць спецыяліста.  

Грамадства

Што хвалюе педагогаў?

Што хвалюе педагогаў?

​Якія крытэрыі робяць датэрміновую прафесійную пенсію — недасягальнай...